30/08/2025
فكرة البيدج قائمة على التواصل بين أشخاص محتاجين ينقلوا اغراض و بين أشخاص معاهم تروسيكلات ، بالظبط زى أوبر بس دى نقل اغراض
و عشان بنشوف ان أصحاب التروسيكلات مش لاقيين شغل و كمان إللى بيحب ينقل حاجة بيدوخ على وسيلة ينقل بيها حاجاته ، بخلاف طبعا الاختلاف على الاسعار بسبب بعض الناس اللى بتحط أسعار نقل مبالغ فيها
قررنا نعمل البيدج دى عشان نحل المشاكل إللى قولنا عليها
- نظام الاسعار هيكون مُقنن على حسب المسافة و الوقت و طبعا وزن و حجم الأغراض إللى بتتنقل
- يعنى ببساطة تقدر تفتح تليفونك و تحسب تكلفة النقل كام و هيبقى فى بوست لوحده بيشرح نظام حساب النقلة
- اختارنا أصحاب تروسيكلات بمواصفات معينة مناسبة لطبيعة العمل يعنى و احنا بنختار إللى هيشتغل معانا قررنا يكون فيه الآتى:
١- حِرك و بيعرف يتصرف
٢- ذوق فى التعامل مش زى ما كلنا نعرف أصحاب التروسيكلات بيتعاملوا ازاى 😂😂
٣- هيكون متبلغ بالسعر يعنى مش هيقولك كلام من نوع (زودنى،المصاريف،الغلاء،.....)😂😂
٤- مش ماشى بيقطع السكة و يعمل غرز و يكسر إشارات و يعاكس 😂😂
٥- ناس بتحب شغلها و مسئولة هتلاقيه بيمد ايده و هو إللى عاوز يساعدك 💪
- هدفنا الحقيقى أننا نساعد الناس سواء إللى بينقل او إللى معاه تروسيكل
- هنبدأ شغلنا من الحضرة و لحد العوايد و لحد المنشية و ربنا يقدرنا و نغطى كل اسكندرية (دعواتكم)
