Visitetechnique - الفحص التقني

29/11/2025

هــام لأصحــاب الدراجــات
نودّ إبلاغكم بأنه تم اليوم استئناف العمل بنظام استصدار شواهد الملكية وتحويل الملكية في مراكز الفحص التقني بعد التوقف المؤقت .

14/02/2022

رابط التسجيل
في امتحان الحصول على رخصة عون فاحص بمراكز
المراقبة التقنية للمركبات
ملاحظة !! (ازل ** في الرابط اسفله)

https://narsa.ma/ar/form/ala-lan-n-tnzym-**amthan-rkhst-wn-

آخر أجل للمشاركة هو 03 مارس 2022. قبل الساعة الرابعة والنصف من بعد زوال.

24/01/2022

تنظيم امتحان الحصول على رخصة عون فاحص بمراكز المراقبة التقنية للمركبات

12/05/2021

عيد مبارك سعيد عليكم جميعا
اتمنى لكم دوام الصحة و العافية انشاء الله وكل عام وانتم بالف خير

13/04/2021

رمضان كريم لجميع الاصدقاء والاهل والاحبة

25/09/2020

؟

كاينين 2 ديال الحالات :

1 – الحالة الأولى :
سجلت الدراجة ديالي ومرديتش البال لصحة المعلومات المتواجدة على مستوى شهادة الملكية المؤقتة ، ومني خرجات لي شهادة الملكية النهائية كتشفت بلي فيها غلط سواء فالمعلومات الشخصية كالاسم ولاالبطاقة الوطنية أو على مستوى المعلومات المتعلقة بالدراجة النارية كرقم الاطار او العلامة او النوع .. شنو الإجراءات للي غادي ندير؟؟
فهاد الحالة كنمشي لمركز الفحص التقني للي تسلمت منو شهادة الملكية كيتأكدو من وجود الخطأ وكايعاينو الدراجة .. ومن بعد كيطلبو مني هاد الوثائق :
- شهادة الملكية الاصلية
- نسخة من البطاقة الوطنية لمالك الدراجة
- طلب تصحيح الخطأ محرر ومعبأ من طرف مالك ومصادق عليه

الحالة الثانية :
بالنسبة للناس للي شراو دراجة نارية عندها بلاكة وبغاو يحولو الموطور للاسم ديالهم ومن بعد اكتشفو انه كاين شي خطأ على مستوى شهادة الملكية (غالبا في رقم الاطار أو النوع أو العلامة ( شنو المعمول؟
فهاد الحالة يعني فعملية تحويل الملكية كنرفقو للوثائق المطلوبة لتحويل الملكية لي هي :
- شهادة سند الملكية الأصلي
- عقد الشراء
- طلب تحويل الملكية معبأ ومصادق عليه
- نسخة من البطاقة الوطنية
+ طلب تصحيح الخطأ محرر ومعبأ من طرف المالك الجديد ومصادق عليه

13/06/2020

اعلنت الوكالة الوطنية للسلامة الطرقية عبر مذكرة عن تمديد مدة سريان وصولات إيداع ملفات ترقيم الدراجات بمحرك الخاضعة لسند الملكية التي انتهت صلاحيتها بين 18 مارس 2020 و11 يونيو 2020 إلى غاية 31 يوليوز 2020.

12/06/2020

هنا يجب الانتباه لواحد القضية لي هي العبارة – 49cc - ماشي ديما صحيحة اذن من الاحسن نتوجه لمركز الفحص التقني الأقرب ليا ، يقلبو لي الدراجة ديالي وهنا عندي جوج احتمالات :
إما :

1- دراجة نارية سعتها أكبر من 50:
----------------------------------------
فهاد الحالة كايعطوني شهادة الرفض (fiche de rejet) كتحمل المعلومات الشخصية ديالي وكذلك معلومات عن الدراجة ديالي ومن بينها حجم الأسطة الحقيقي ، وسبب الرفض : لي هو غالبا (أن حجم الاسطنة اكبر من 49 ) وكنتوجه بها لمركز تسجيل السيارات لي ف المنطقة اللي كنتمي ليها ، ...

2- دراجة نارية سعتها أقل أو تساوي 50
-----------------------------------------

فهاد الحالة كاينطابق عليها لي كاينطابق على الدراجة النارية العادية .

12/06/2020

كانتوجه لأقرب فحص تقني ليا وناخد معايا هذه الوثائق :

- التصريح بالشرف مصادق عليه ( تجده هنا 👈 https://bit.ly/2YpH2XT )
- نسخة من البطاقة الوطنية مصادق عليها
- البطاقة الرمادية أصلية
- عقود الشراء أصلية التي تحمل اسم المتخلي الأول (أي مول الكارط كريز) الى أخر مشتري بالتسلسل.

10/06/2020

أول حاجة ترد لها البال هي ان شهادة الملكية تكون فالاسم ديال مولاها الأصلي يعني مانشريش دراجة نارية عندها بزاف ديال عقود الشراء (التواصل) ، اذن نشري موطور بعقد شراء واحد فيه السمية ديالي بطبيعة الحال والسمية ديال مول شهادة الملكية .

مني نكتبو عند كاتب عمومي مرخص من طرف السلطات المختصة لبيع الدراجات النارية .
كنتوجه لأقرب مركز للفحص التقني ليا ، غادي يقلبو لي الدراجة النارية وغادي يطلبو مني الوثائق التالية :

- عقد الشراء موقع من الطرفين البائع (المالك الأصلي لشهادة الملكية) والمشتري (لي هو نتا) محرر من طرف كاتب عمومي مرخص من طرف السلطات المختصة لبيع الدراجات النارية .
- نسخة من البطاقة الوطنية مصادق عليها تحمل عنوان المدينة التي ينتمي اليها المركز.
- طلب تحويل الملكية موقع من طرف المشتري ومصادق عليه .(تجده هنا https://bit.ly/37kc9YW)
- شهادة الملكية الاصلية.

10/06/2020

كأول مرحلة كنقومو بها عند ضياع سند الملكلية أو (الصفيحة = البلاكة) هي التصريح بالضياع عند الامن الوطني أو الدرك الملكي (على حساب انت لفين تابع) . وهذه الخطوة ضرورية ومهمة جدا لان بها كتحمي راسك من التبعات القانونية ديال هاد الضياع .

ثانيا من بعدما حصلت على شهادة الضياع كنتوجه للمركز الأقرب ليا ولي منو تسلمت شهادة الملكية والصفيحة.

وتما كايطلبو مني مجموعة من الوثائق وهي كالتالي:

**************************
أولا بالنسبة لضياع شهادة الملكية:
***************************
- نسخة من البطاقة الوطنية مصادق عليها
- طلب استصدار نظير لشهادة الملكية مصادق عليه (تجده هنا 👈 https://bit.ly/2A8Bnxq)
- التصريح بالضياع

**************************
ثانيا بالنسبة لضياع الصفيحة :
***************************
- نسخة من البطاقة الوطنية مصادق عليها
- نسخة من سند الملكية مصادق عليه
- طلب استصدار نظير الصفيحة مصادق عليه (تجده هنا 👈 https://bit.ly/2A8Bnxq)
- التصريح بالضياع

****************************************
ثالثا بالنسبة لضياع الصفيحة وشهادة الملكية معا :
****************************************
- نسخة من البطاقة الوطنية مصادق عليها
- طلب استصدار نظير لشهادة الملكية والصفيحة مصادق عليه (تجده هنا 👈 https://bit.ly/2A8Bnxq)
- التصريح بالضياع لشهادة الملكية والصفيحة معا.

كما ندعوا الجميع الى إحترام والالتزام بالتدابير الوقائية المنصوص عنها .

01/06/2020

استعدادا لاستئناف عمل مراكز المراقبة التقنية للعربات المرتقب بعد رفع حالة الطوارئ الصحية وحفاظا على سلامة المرتفقين والمستخدمين بها، تجدون رفقته التدابير الوقائية الإلزامية المتبعة التي يجب على كل من يرغب في إجراء الفحص التقني لمركبته الالتزام بها .