https://www.facebook.com/129543063585001/

Ahmad Umar, Along Sagak kumo, Kumo (2026)

20/03/2025

Ramadaniyyat: 1446 [19]‎

Alƙur'ani Zalla ko Bijire wa Manzon Allah

‎4.0. Taƙaitaccen Tarihin Masu Ƙaryata Hadisai
‎
4.5. Wasu Daga Cikin Jagororin Wannan Fitina: (4)‎

Ci gaba…‎

‎4. Alhafiz Aslam Jirajburi: Haifaffen yakin Azamgrah na ƙasar Indiya. ‎An haife shi a shekara ta 1880. Ya haddace Alƙur'ani yana ɗan shekara tara, ‎saboda haka ne ake masa laƙabi da Alhafiz. Ya karanci harshen Farisanci ‎wanda shi ne yaren koyon addini a lokacin. Sannan ya karanci ilimin lissafi ‎da harshen Ingilishi da harshen Larabci. Bai taɓa shiga wata makaranta ta ‎zamani ba, ballantana ya yi karatun Jami'a, to amma saboda tsananin yadda ‎yake son karance-karance sai ga shi ya kai wani babban matsayi a karatu.‎

Alhafiz Aslam ya zama marubuci a wata jarida mai suna (Baisa) wadda ‎take fitowa kullum a garin Lahore. Wannan ne ma ya sa aka san shi a duk ‎faɗin yankin Indiya. Sannan ya zama malami mai koyarwa a makarantar ‎sakandare, inda ya koyar da harshen Farisanci da Larabci. Sannan a shekara ta ‎‎1912 ya zama mai tsaron ɗakin karatu (Librarian) a wannan makaranta wadda ‎daga bisani aka ɗaga likkafarta ta zama Jami'ar Musulunci inda ya zama mai ‎koyar da harshen Larabci da Farisanci a cikinta. ‎
Sai dai kuma bai daɗe a wannan jami'a ba sai ya koma da koyarwa a ‎Jami'ar Milliya ta Musulunci.‎

Abin da kuwa ya jawo Alhafiz Aslam faɗawa cikin aƙidar "'yan ‎Alƙur'ani zalla" shi ne mas'alar rabon gado, yayin da ya karanta hukunci mai ‎nuna cewa, ɗan ɗa yana hana baffansa watau ɗan'uwan mahaifinsa gadon ‎dukiyar kakansa. Sai wannan hukunci ya taɓa masa zuciya, har ma ya ce, ya ‎duba duk littattafan ilimin rabon gado bai samu wanda ya dace da ra'ayinsa ‎ba, sai Alƙur'ni kaɗai ya goyi bayan ra'ayinsa, don haka ya saɓa wa wancan ‎hukunci.‎

Alhafiz Aslam ya sami ƙulla kyakkyawar alaƙa da Ahmaduddin, ya ‎kuma tasirantu da ra'ayoyinsa na ƙaryata hadisan Manzon Allah (SAW), har ‎ma ya fassara littafinsa "Mu'ujizar Alƙur'ni" zuwa harshen Larabci, ya kuma ‎yaɗa shi cikin ƙasashen Larabawa.‎

Alhafiz Aslam ya rubuta littafin "Mahjub al-Irsi" inda ya yi kakkausan ‎s**a a kan hukunce-hukuncen Muslunci da s**a danganci gado. Hakanan ‎kuma ya ɗosani wani ɓangare na ra'ayin 'yan gurguzu, wato na cewa, duk ƙasa ‎mallakin gwamnati ce.‎

Alhafiz Aslam ya yi rubuce-rubuce masu yawa, ya kuma taɓo ‎ɓangarori daban-daban. Ya yi rubutu a kan tarihin Musulunci da ɓangare ‎Alƙur'ani da na Aƙida da sauransu. Kana iya cewa a cikin tafiyar masu ‎ƙaryata hadisai kakaf, shi ne mutum na biyu bayan Barwiz, saboda yawan ‎littattafan da ya rubuta don yaɗa wannan gurɓatacciyar aƙida.‎

Bayan kafa ƙasar Pakistan a shekara ta 1947 sai Alhafiz Aslam ya amsa ‎gayyatar almajirinsa Barwiz, ya yi hijira zuwa Pakistan. To amma kuma bai ‎daɗe a wannan ƙasa ba, sai ya sake tattara nasa ya nasa ya koma ƙasarsa ta ‎Indiya inda a nan Allah (SAW) ya yi masa rasuwa a ranar 28 ga watan ‎Disamba, shekara ta 1955 yana kimanin ɗan shekara 75 da haihuwa.‎

Za mu ci gaba in sha Allah…
Prof. Muhd Sani Umar R/Lemo ✍🏻

19/03/2025

Ramadaniyyat: 1446 [18]‎

Alƙur'ani Zalla ko Bijire wa Manzon Allah

‎4.0. Taƙaitaccen Tarihin Masu Ƙaryata Hadisai

‎4.5. Wasu Daga Cikin Jagororin Wannan Fitina: (3)‎

Ci gaba…‎

‎3. Ahmaduddin Amristari: ɗaya ne daga cikin jigajigen 'yan ƙungiyar ‎‎"Alƙur'ani Zalla". An haife shi a shekara ta 1861, a ƙauyen Amristar da ke ‎jahar Punjab, arewa maso yammacin Indiya. Ya fara karatunsa na addini a ‎wurin mahaifinsa Alkhawaja Muhammad. Daga bisani a ka sanya shi a ‎Makarantan 'yan mishan inda ya yi karatun Bile da ilimin zamani. ‎

Sannan bayan gama wannan karatu, sai ya shiga makarantar Islamiyya ‎ta gaba da Firamare. Daga nan kuma bai ƙara ci gaba da karatu ba. To amma ‎kuma saboda karance-karancensa ya yi suna har ma aka ɗauke shi koyarwa a ‎wata makarantar Islamiyya, a ƙauyensu Amristar. ‎

Bayan ya gama aiki a wannan makaranta ne, sai ya shiga harkar ‎karantar da Alƙur'ani inda ya samu shuhura a ilahirin yankin Indiya.‎

Ahmaduddin ya ƙware wajen magana da yaruka daban-daban, ciki har ‎da harshen Larabci da na Farisanci da harshen Urdu da kuma yaren Punjab, ‎wanda shi ne yarensa na haihuwa. Sannan ya ƙware a ilimin tattalin arzuki da ‎na Tarihi da ilimin labarin ƙasa da lissafi da ilimin Falaki da sauran ilimomin ‎Musulunci.‎

Ahamaduddin ya yi amfani da ra'ayoyin Ahmad Khan, amma bai ɗauke ‎su a matsayin jigon kafa nasa ra'ayoyin ba, domin ganin irin s**an da s**a ‎sha a wajen malaman addini.‎

Ya kuma samu kyakkyawar alaƙa da Abudullahi al-Jakralawi, lokacin ‎da shi al-Jakralawi yake tsaka da tallata da'awarsa ta ƙaryata hadisan Manzon ‎Allah (SAW) a shekara ta 1902. ‎

Ahmaduddin ya kasance a duk lokacin da ya samu hutun makaratar ‎Islamiyya inda yake koyarwa, sai ya kai wa al-Jakralawi ziyara. Sukan zauna ‎tare su tattauna matsalolin addini bisa irin fahimtarsu ta ƙaryata hadisai, ‎s**an kuma ƙaru da juna.‎

Lokacin da al-Jakralawi ya saki littafinsa mai suna "Sallar Alƙur'ani",
‎Ahmaduddin ya kai masa ziyara inda ya ja hankalinsa cewa, ya guji yaɗa ‎littattafai irin waɗannan a halin da ake ciki. Suna tsaka da tattaunawa ne ‎lokacin sallar La'asar ya yi, sai Ahmaduddin ya yi salla irin sallar al-‎Jakralawi, sai ya ce masa: "Ya ya kake nuna rashin yardarka da littafin, kuma ‎kake yin irin sallar da yake koyarwa?" Sai Ahmaduddin ya amsa masa da ‎cewa: "Ai ban ce sallar ɓatacciya ce ba, amma ina ga bai dace a raba kan ‎Musulmi ba".‎

Alkhawaja Ahmaduddin ya kafa ƙungiyarsa a shekara ta 1926 ya sanya ‎mata suna "Ummatun Muslimah", kuma mutane da dama s**a riƙa rigegeniya ‎wajen shiga cikinta. Sannan ya kafa wata mujalla mai suna "Balag" wadda ta ‎ɗauki gabarin yaɗa da'awar wannan ƙungiya.‎

‎'Yan ƙungiyar "Ummatun Muslima" sun tashi tsaye wajen buga ‎littattafai masu ɗauke da ra'ayoyinsu, s**a riƙa yaɗa su ko'ina da aika wa ‎mutane har gidajensu, al'amarin da ya ja mutane da dama s**a riƙa faɗa wa ‎cikin wannan mummunar aƙida.‎

Sauƙin hali da Ahmaduddin yake da shi ya ja mutane masu yawa zuwa ‎ga karɓar rayoyinsa, cikinsu har da manyan 'yan kasuwa da mutane masu ‎basira.‎

Ahamaduddin ya fito ƙarara yana s**an tsarin rabon gado na Musulmi, ‎inda ya riƙa kira cewa, lalle a wadatu da iya abin da Alƙur'ani ya ambata na ‎hukunce-hukuncen rabon gado, kada a yi amafani da abin da ya zo a cikin ‎hadisan Annabi (SAW), don haka yana ganin jika na ɓangaren ɗa namiji zai ‎iya cin gado koda kuwa ɗan yana nan da rai. Sannan ya wajabta wa kowane ‎mai rasuwa dole ne ya yi wa magadansa wasiyya. Hakanan yana ga mutum ‎kowane irin addini yake bi zai iya cin gadon ɗan'uwansa Musulmi. Da sauran ‎miyagun ra'ayoyinsa waɗanda s**a saɓa wa ijma'in Musulmin duniya.‎

Ahmaduddin ya yi rubuce-rubuce masu yawa bisa fahimtarsa ta ‎‎"Alƙur'ani zalla". Ya rubuta tafsirin Alƙur'ani cikin sifili bakwai.‎

Ahmaduddin ya rasu ranar Talata 2 ga watan Yuni, shekara ta 1936.‎

Za mu ci gaba in sha Allah….‎
Prof. Muhd Sani Umar R/Lemo ✍🏻

17/03/2025

Ramadaniyyat: 1446 [17]‎

Alƙur'ani Zalla ko Bijire wa Manzon Allah
‎
4.0. Taƙaitaccen Tarihin Masu Ƙaryata Hadisai
‎
4.5. Wasu Daga Cikin Jagororin Wannan Fitina: (2)‎

Ci gaba…‎
‎
2. Abdullahi al-Jakralawi haiffaffen garin Punjab na ƙasar Indiya, ‎sannan mazaunin garin Lahore da ke ƙasar Pakistan, shi ne mutumin da ya ‎kafa ƙungiya ta farko ta 'yan 'Alƙur'ni zalla', ya sanya mata suna: "Ahuluz ‎Zikri wal ƙur'an", ya kuma ƙaryata duk hadisan Annabi (SAW) kakaf.‎

Ya auri mata biyu. Ta farko a lokacin samartakarsa, wadda kuma ta ‎Haifa masa 'ya'ya biyu, su ne: Ibrahimu da Alƙali Muhammadu Isa. Shi ‎Ibrahim bai gamsu da ra'ayoyin mahaifinsa ba, don haka, ya nisanta kansa da ‎shi. Hakan ne ma ya sanya ubansa ya raba gari da shi, ya kuma haramta masa ‎ya ci gadonsa bayan mutuwarsa. Ibrahimu ya rasu a sherkar ta 1918.‎

Amma shi Alƙali Muhammadu Isa ya zaɓi ya bi tafarkin mahaifinsa, ya ‎kuma zama mai taimakonsa wajen yaɗa mummunar aƙidarsa, to sai dai kuma ‎shi Allah bai yi masa baiwar hazaƙa ba, don haka bai je ko'ina ba ‎tauraruwarsa ta dusashe.‎

Matar al-Jakralawi ta biyu ita ce, tubabbiyar bayahudiyar Amuruka ɗin ‎nan mashahuriya mai suna Maryam Jamila wadda ta Musulunta a ƙasar ‎Pakistan, ta kuma auri Abullahi al-Jakralawi, duk kuwa da tazarar shekaru da ‎ke tsakaninsu. Ya aure ta a lokacin da ya tasamma shekara tamanin a duniya. ‎Ita ma Maryam Jamila ta rungumi aƙidar mijinta matuƙa, ta kuma sadaukar da ‎rayuwarta ga mijinta sosai, kai har ma ana ganin ba domin ita mace ce ba, to ‎da ita ce za ta gaji mijinta wajen jagorancin ƙungiyar Alhluz Zikri. Ta rasu a ‎shekarar 1978.‎

Abdullahi al-Jakralawi ya fara karatun addini a hannun mahaifinsa, ‎sannan ya shiga makarantu masu zaman kansu, daga bisani ya bar garin ‎Punjab zuwa garin Delhi inda ya yi karatun ilimin hadisi a wajen babban ‎malamin hadisin nan Sheikh Naziru Husaini, to amma fa tun lokacin da yake ‎karatu a gabansa, Sheikh Nazir ya fara ganin take-taken fanɗara a tare da shi.‎

Abdullahi al-Jakralawi ya fara tsunduma cikin wannan hanyar ɓatan ne ‎bayan wata tattaunawa da ya yi da wani baffansa mai suna Alƙali ƙamaruddin ‎al-Hanafi, wanda ya riƙa bijiro masa wasu hadisai da ya gaza fahimtar su, sai ‎kawai ya buɗi baki ya ce: "Alƙur'ani ne kaɗai littafin da aka yi wa ‎Muhammadu (SAW) wahayinsa. Duk wani abu wanda ba Alƙur'ani ba, to ba ‎zai taɓa zama wahayi ba". ‎

Daga nan ya fara rubutun littafinsa na tafsirin Alƙur'ani bisa aƙidarsa.‎

Abdullahi al-Jakralawi yana magana da harsuna biyu ƙwarara: Harshen ‎Larabci da na Urdu. Yana da ilimi mai zurfi cikin harshen Larabci: Ya ƙware a ‎ilimin Nahawu da Sarfu da Balaga da kuma Adabin Larabci. Ya yi rubuce-‎rubuce masu ɗimbin yawa, yana da kuma yawan jayayya tare da wulaƙanta ‎litttafan Musulunci, bai kuma san wani abu kara ba ko kaɗan.‎

Ya yi rubutu a kan 'Fassarar Alƙur'ani da Alƙur'ani, ya kuma rubuta ‎‎"Sallar Alƙur'ani" da "Zakka da Sadaka Kamar Yadda Take a Cikin Ayoyin ‎Alƙur'ani", da sauran rubuce-rubuce a cikin harshen Urdu.‎

Wasu marubuta sun tabbatar da cewa wannan malami yana ɗaya daga ‎cikin malaman da s**a faɗa cikin komar 'yan mulkin mallaka, kuma ‎gwamnatin ƙasar Birtaniya ta yi amfani da shi wajen kawo wa Musulmin ‎Indiya ruɗani a cikin sha'anin addininsu. Don haka ya fito yana kira da babbar ‎murya cewa, lalle Musulmi su yi watsi da hadisan Annabi (SAW) domin ‎dukkansu ƙarya ne ba gaskiya ba.‎
‎
'Yan mulkin mallaka sun riƙa tura masa kuɗaɗe waɗanda ya riƙa ‎amfani da su wajen biyan masu fassara masa bayanansa da littattafansa zuwa ‎harshen Ingilishi.‎

Abdullahi al-Jakralawi ya kafa babbar cibiyar da'awarsa a garin Lahore ‎na ƙasar Pakistan. Lahore gari ne na ilimi da malamai. Daga wannan gari ne ‎ya riƙa yaɗa ɓarnarsa zuwa garuruwan Musulmi daban-daban.‎

To amma cikin hikimar Allah sai aka samu wata mujalla ta Musulmi ‎Ahlussunna mai suna "Isha'atus Sunna" wadda ta yi bincike a kan miyagun ‎ra'ayoyin wannan malami, sannan ta tattara su ta buga su, ta kuma aika da su ‎zuwa ga malaman addini inda ta nemi su bayyana matsayar addini game da ‎waɗannan ra'ayoyi da kuma hukuncin wanda ya yarda da su: shin za a ci gaba ‎da ɗaukar sa a matsayin Musulmi ko kuma ya fita daga da'irar Musulunci?‎

Mafi yawan Malamai na yankin Indiya: ƙasar Pakistan da Indiya da ‎Bangladesh, dukkansu sun ba da fatawa da cewa, mai irin waɗannan ra'ayoyi ‎‎(watau Abullahi al-Jakralawi) ya kafirta. Mujallar "Isha'atus Sunna" kuwa ta ‎buga bayani a kan wannan fatawa tare da sa hannun duk malaman addini ‎waɗanda s**a bayar da fatawar kafircin al-Jakralawi tare da ba da tabbacin ‎cewa ya bar Musulunci.‎

Amma kuma duk da fitowar wannan fatawa ta malamai, Abullahi al-Jakralawi ‎bai janye miyagun ra'ayoyinsa ba, ballantana ya tuba zuwa ga Allah. A'a a ‎madadin haka sai ya ƙara ƙaimi wajen ci gaba da yaɗa mummunar aƙidarsa da ‎ɓatar da al'umma har zuwa lokacin da mutuwa ta riske shi, ya koma ga Allah ‎mahaliccinsa a shekara ta 1914.‎

Za mu ci gaba in sha Allah….. ‎
Prof. Muhd Sani Umar R/Lemo ✍🏻

17/03/2025

Allah kasa muna da rabo a aljannah 🤲🙏

17/03/2025

Allah ya qarama lpy🤲

08/03/2025

Ramadaniyyat: 1446 [8]‎

Alƙur'ani Zalla ko Bijire wa Manzon Allah

‎3.0. Sunna a Mahangar Alƙur'ani Mai Girma

Ci gaba…..‎

‎3.2. Allah (SWT) ya Ɗora wa Annabi (SAW) Nauyin Bayanin ‎Ma'anonin Alƙur'ani Mai Girma: (2)‎

A ci gaba da ambaton ayoyin Alƙur'ani da s**a bayyana cewa, ‎Allah (SAW) ya ɗora wa Annabi (SAW) nauyin bayanin duk abin da ‎yake buƙatar bayani a cikin Alƙur'ani mai girma.‎
‎
Aya ta uku: Allah yana cewa:‎

‎(Ba Mu taɓa aiko wani manzo ba kuwa sai da harshen mutanensa ‎don ya yi musu bayani; sannan Allah Yana ɓatar da wanda ya ga ‎dama, ya kuma shiryar da wanda ya ga dama. Shi ne kuwa ‎Mabuwayi, Mai hikima) [Ibrahim, aya ta 4].‎

A wannan aya Allah (SWT) ya bayyana rahma da baiwa da ya yi ‎wa bayinsa ta aiko musu da manzanni, kowane manzo ya riƙa magana ‎da harshen mutanensa da aka aiko shi wajensu, domin su samu damar yi ‎musu bayanin saƙon da aka aiko su da shi, su kuma mutanen su iya ‎fahimtar bayanin da manzanninsu za su yi musu.‎

A nan ya bayyana a fili Allah ya nuna cewa, yana daga cikin aikin ‎kowane manzo da Allah ya taɓa aiko wa, yi wa mutanensa bayanin ‎saƙon da ya zo musu da shi. Annabi Muhammadu ɗaya ne daga cikin ‎waɗannan manzonni, saboda haka ya yi wa al'ummarsa bayanin saƙon ‎Allah da ya saukar masa watau Alƙur'ani da harshen da mutanensa suke ‎magana da shi watau larabci. Wannan bayanin kuwa su ne tabbatattun ‎hadisansa waɗanda suke ɗauke da bayanin sunnoninsa.‎‏ ‏‎ Don haka ‎ƙaryata hadisan Annabi (SAW) daidai yake da ƙaryata faɗin Allah cewa, ‎kowane annabi yana yi wa mutanensa bayanin abin da aka aiko shi da ‎shi na wahayi.‎

Aya ta huɗu: Allah yana cewa:‎
‎
(Allah ya ce da Annabinsa): Kada ka motsa harshenka da shi ‎‎(Alƙur’ani) don gaggauta (karanta) shi. Lalle tattara shi (a ‎zuciyarka) da karanta shi yana kanmu. Saboda haka idan Muka ‎karanta (maka) shi sai ka bi karatunsa. Sannan kuma bayaninsa yana ‎kanmu). [Al-kiyama, aya ta 16-19]. ‎
‎
A waɗannan ayoyi Allah (SWT) ya bayyana tsananin kwaɗayin Manzonsa ‎‎(SAW) wajen sa

07/03/2025

Ramadaniyyat: 1446 [7]‎

Alƙur'ani Zalla ko Bijire wa Manzon Allah
‎
3.0. Sunna a Mahangar Alƙur'ani Mai Girma

Ci gaba…..‎
‎
3.2. Allah (SWT) ya Ɗora wa Annabi (SAW) Nauyin Bayanin ‎Ma'anonin Alƙur'ani Mai Girma:‎

Ayoyin Alƙur'ani sun bayyana cewa, Allah (SAW) ya ɗora wa ‎Annabi (SAW) nauyin bayanin duk abin da yake buƙatar bayani a cikin ‎Alƙur'ani mai girma. ‎

Aya ta farko: Allah (SAW) yana cewa: ‎

‎(Mun kuma saukar maka da Alƙur’ani don ka yi wa mutane ‎bayanin abin da aka saukar musu ko sa yi tunani). [Nahl: aya ta 44].‎

A wannan aya Allah (SAW) ya tabbatar da cewa, shi ne ya saukar da ‎Alƙur’ani ga Manzon Allah (SAW) domin ya zamanto wa’azi da tunatarwa ga ‎mutane, kuma ya ɗora wa Annabi (SAW) nauyin yi musu bayani filla-filla na ‎abubuwan da ya ƙunsa masu buƙatar ƙarin bayani, don mutane su yi tunani su ‎fahimci abin da ya zo da shi su wa’azantu.‎

A nan Allah (SWT) ya bayyana abin da ya saukar wa Annabi ‎‎(SAW) wato Alƙur'ani wanda ya kira "Zikr", sannan ya bayyana Mazon ‎Allah (SAW) a matsayin wanda zai yi bayanin abin da yake buƙatar ‎bayani daga cikin Alƙur'ani.‎

A nan Ayar ta ƙunshi abubuwa biyu: 1. Alƙur'ani, 2. Bayin ‎alƙur'ani wanda aka ɗora alhakin gabatar da shi a kan Annabi (SAW). ‎

Wannan ƙarara ya tabbatar mana da cewa, akwai Saukakken littafi, ‎shi ne Alƙur'ani; akwai kuma bayanin da Annabi (SAW) yake yi na shi ‎Alƙur'anin. To waɗannan bayanai su ne tabbatattun hadisansa wanda ‎s**a ƙunsi sunnoninsa, na maganganunsa ko ayyukansa.‎

Dole ne kowane Musulmi a ko'ina, a kuma kowane zamani, ya ‎rungumi Alƙur'ani tare da waɗannan bayanai na Manzon Allah (SAW) ‎ya kuma yi aiki da su. ‎

Idan kuwa haka ne, to wannan yana nuna lalle Allah (SAW) zai ‎tsare waɗannan bayanin ga al'ummomi masu zuwa, domin hujjarsa ta ‎tsayu a kan bayinsa har zuwa tashin alƙiyama.‎
Saboda haka wannan aya ta tabbatar da abubuwa kamar haka:‎
‎
1. Saukar da Alƙur'ani ga Annabi (SAW).‎
‎
2. Jiɓinta wa Annabi (SAW) alhakin yi wa mutane bayanin ‎alƙur'ani, ta hanyar karantar

07/03/2025

Ramadaniyyat: 1446 [6]‎

Alƙur'ani Zalla ko Bijire wa wa Manzon Allah
‎
3.0. Sunna a Mahangar Alƙur'ani Mai Girma

‎3.1. Sunna Wahayi ce Daga Allah Kamar Alƙur'ani: (3)‎

Ci gaba….‎

Ci gaba da bayanin dalilai daga Alƙur'ani masu tabbatar da cewa, ‎annabawa, Allah yakan yi musu wahayi iri biyu, akwai na littafi, akwai ‎kuma wahayin da ba ya cikin littafin (Sunna):‎

Misali Na biyu: Annabi Ibrahim (AS):‎

Allah yana cewa:‎

‎(…To haƙiƙa Mun bai wa zurriyar gidan Ibrahimu Littafi da kuma ‎hikima, kuma Mun ba su wani mulki mai girma). [Nisa'i, aya ta 54].‎

A wannan ayar Allah (SWT) ƙarara ya bayyana cewa, ya ba wa ‎zurriyar Annabi Ibrahim – har da shi kansa Ibrahimu ɗin- annabta, ya ‎kuma ba su littafi da hikima. Hikima su ne bayanan wasu hukunce –‎hukunce da ya riƙa saukar musu da wahayinsu bayan littafi da ya ba su. ‎

Wannan yana tabbatar da cewa, sunna wahayi ne daga Allah, ‎kamar yadda littafin da Allah ya ba wa kowane annabi yake wahayi.‎

Misali na uku, Annabi Musa (AS):‎

Allah (SWT) ya karrama Annabi Musa (AS) da annabta a kan ‎hanyarsa ta dawowa daga garin Madyana. Allah ya yi masa wahayi inda ‎ya ba shi umarni da ya tafi zuwa Fir'auna da mutanensa ya kira su zuwa ‎ga bautar Allah shi kaɗai, sannan ya umarce su da su saki Banu Isra'ila ‎da suke riƙe da su. Amma a duk wannan lokaci, Allah bai ba wa Annabi ‎Musa (AS) littafin Attaura ba, domin ba a saukar da Attaura ba sai ‎bayan an hallakar da Fir'auna da mutanensa. Annabi Musa (AS) ya ‎tsayar wa da Fir'auna da Hamana da ƙaruna da mutanensu hujja da ‎wahayin sunna, ba da abin da yake rubuce a cikin Attaura ba.‎

Allah yana cewa: ‎

‎(Haƙiƙa kuma Mun bai wa Musa littafin (Attaura) bayan Mun ‎hallaka al’ummu na farko don izina ga mutane da shiriya da rahama ‎ko sa wa’azantu).[al-ƙasas, aya ta 43]. ‎

A nan Allah ya nuna cewa, bayan saukar da Attaura, Allah bai sake ‎hallakar da wata al'umma a bayan ƙasa hallakarwa ta gaba ɗaya ba.‎
Allah ya ba wa Annabi Musa littafin Attaura ne lokacin da suke ‎rayuwar ɗimuwa

Ahmad Umar

20/03/2025

19/03/2025

17/03/2025

17/03/2025

17/03/2025

08/03/2025

07/03/2025

07/03/2025

Address

Telephone

Website

Alerts

Contact The Business

Shortcuts

Share

Category