TAXI G7

TAXI G7 بتفاعلكم مع الصفحة و المساندة و الارادة و كشف التجاوزات ،التاكسي تولّي خير.🇹🇳

إلى متى؟؟ نعيشو في دولة ولا في غابة ؟؟ولينا كل يوم في الكياس نشوفو في العجب... سيارات خاصة ولاو بالعدد الكبير يخدمو تا...
17/08/2026

إلى متى؟؟
نعيشو في دولة ولا في غابة ؟؟
ولينا كل يوم في الكياس نشوفو في العجب...
سيارات خاصة ولاو بالعدد الكبير يخدمو تاكسي
يوقفو للناس في الكياسات و في المحطات و يقولو وين ماشي نوصلك

لا بطاقة مهنية.. لا تأمين يحمي الراكب.. لا عداد.. لا حتى شيء
يعني كي تصير أكسيدون شكون يتحمل المسؤولية؟ المواطن هو اللي يخلص

و زيدها منافسة غير شريفة تضرب في التاكسي الفردي اللي حالتو حالة أصلا
التاكسيست عندو كراء و عندو عداد و عندو مراقبة و عندو أداءات
و هوما يخدمو على رواحهم و يرتعو في البلاد كأننا في غابة

السؤال وينو القانون؟
القانون اللي يطبق على التاكسي الفردي في كل صغيرة و كبيرة
علاش ما يتطبقش على الناس هاذم؟

رانا في دولة و في قانون.. مش سوق سايب
أحميو المهنة.. أحميو المواطن.. أحميو رزق الناس اللي تخدم بالحلال
كل نهار نفس الحكاية...

باش نسميوها ؟ تاكسي ؟ كلونديستان ؟ فوضى ؟

وينها البطاقة المهنية ؟ مافماش
وينو التأمين متاع الركاب ؟ مافماش
وينو العداد ؟ مافماش
علاش احنا نتحاسبو على النفس و هوما يرتعو في البلاد ؟

يزي من الكيل بمكيالين
يا تطبقو القانون على الناس الكل.. يا حلوها للكل

التاكسيست موش عدو المواطن..
التاكسيست مواطن كيفو قاعد يجري على خبزة حلال






TAXI G7
Ministère du Transport - وزارة النقل
Présidence Tunisie رئاسة الجمهورية التونسية

الموضوع: حول تطبيق القانون على سيارات الأجرة الفردية سيدي المدير الجهوي للنقل المحترمتحية طيبة وبعدأنا سائق تاكسي فردي أ...
26/07/2026

الموضوع: حول تطبيق القانون على سيارات الأجرة الفردية

سيدي المدير الجهوي للنقل المحترم

تحية طيبة وبعد

أنا سائق تاكسي فردي

أتقدّم إليكم بجزيل الشكر و التقدير لرجال شرطة المرور على المجهودات المبذولة يوميا في تطبيق القانون بكل صرامة و احترام على سيارات الأجرة الفردية

و نحن كمهنيين في القطاع نلتزم بتطبيق القانون و نحترم ذلك
إلا أننا نلاحظ يوميا أن هذا التطبيق الصارم يقتصر فقط على سيارات التاكسي الفردي في حين أن وسائل نقل أخرى تقوم بمخالفات مماثلة و لا يتم التعامل معها بنفس الطريقة

لذلك نلتمس من جنابكم تعميم تطبيق القانون على الجميع بدون استثناء تحقيقا لمبدأ المساواة و لتنظيم القطاع
و نطلب منكم فقط تعميم نفس المراقبة و تطبيق القانون على جميع وسائل النقل الأخرى لضمان العدل و تنظيم القطاع

مع الشكر
سائق تاكسي فردي
و تقبلوا سيدي فائق الاحترام و التقدير

الموضوع: بخصوص تجاهل وزارة النقل للتحرك الاحتجاجي لقطاع سيارات الأجرة بتاريخ اليومالسيد وزير النقل المحترمتحية طيبة وبعد...
14/07/2026

الموضوع: بخصوص تجاهل وزارة النقل للتحرك الاحتجاجي لقطاع سيارات الأجرة بتاريخ اليوم

السيد وزير النقل المحترم
تحية طيبة وبعد

نحن سواق ومهنيي سيارات الأجرة على كامل تراب الجمهورية نتوجه إليكم بمراسلة ملؤها الاستياء والمرارة

لقد قمنا اليوم بـإضراب احتجاجي سلمي حضاري كان الهدف الوحيد منه هو إيصال صوتنا و معاناتنا إليكم
معاناة من غلاء المحروقات، قطع الغيار، التأمين، التاكس... ومن استغلال الدخلاء للقطاع

إلا أننا فوجئنا بتجاهل تام لمطالبنا المشروعة وكأن صوت أكثر من 80 ألف عائلة تونسية لا يعني شيئا

سيدي الوزير
نحن لا نطلب المستحيل نطلب العيش بكرامة
نطلب قانون أساسي يحمينا و رخصة تعطى لمستحقيها من أبناء القطاع و تسعيرة عادلة تراعي السواق و المواطن الزوالي معا
ما طلبناش فلوس طلبنا كرامة و قانون و رخصة لولاد القطاع
تجاهلنا اليوم لن يحل المشكلة بل سيزيد الاحتقان

لذلك نطالبكم بفتح باب الحوار الجدي و الفوري قبل فوات الأوان
نحن يد ممدودة للحوار ولكننا أيضا يد قوية للدفاع عن حقوقنا

والسلام
عن مهنيي قطاع سيارات الأجرة TAXI G7
التاريخ: 14 جويلية 2026

Ministère du Transport - وزارة النقل

Présidence du Gouvernement Tunisien - رئاسة الحكومة التونسية

Présidence Tunisie رئاسة الجمهورية التونسية

بيان إلى كافة زملاء قطاع التاكسي الفردي - TAXI G7 السلام عليكم ورحمة الله وبركاتهزملائي الأعزاءفي هذه الظروف الصعيبة ال...
13/07/2026

بيان إلى كافة زملاء قطاع التاكسي الفردي - TAXI G7

السلام عليكم ورحمة الله وبركاته

زملائي الأعزاء

في هذه الظروف الصعيبة الي يمر بيها القطاع نحب نذكركم بحاجة برك إحنا عائلة وحدة و دمنا واحد

نعرفو الي فما غضب و فما تعب و فما قرارات باش تتاخذ أما ردوا بالكم

1. لا للإشاعات: أي خبر تسمعوه أسألو عليه المصدر الرسمي ما تصدقوش كلام الفيسبوك الي يحب يفتن بينا
2. لا للتفرقة: الإختلاف في الرأي موجود و باهي باش نقدمو أما ما يفرقنا الي يقول "نخدم" و الي يقول "نضرب" الزوز خوات و الزوز يهم مصلحة القطاع
3. نعم للوحدة: قوتنا في لمتنا. كي نتفرقو ياكلو حقنا. كي نكونو يد وحدة صوتنا يوصل لرئاسة الحكومة و لوزارة النقل

مصلحة الزميل هي مصلحتي و مصلحة القطاع فوق كل شي

اليومين هاذم برشا إشاعات و برشا فتنة باش يضربونا في بعضنا "هاذم باعونا" "هاذم خذلو الإضراب"...

رانا نعرفو بعضنا. 20 سنة مع بعضنا في الشارع نعاونو في بعضنا في ظروف الصعبة و في العطب

اليوم مختلفين على الإضراب؟ عادي. الإختلاف رحمة و كل واحد حر
أما رد بالك توصل تسب زميلك ولا تشمت فيه. غدوة تحتاجو و يحتاجك

دمتم سالمين، و ربي يوحد صفنا و يجيبنا في الصواب.

رسالة مفتوحة إلى السيد رئيس الجمهورية قيس سعيد حفظه اللهسيدي الرئيس، من تاكسيستي تونسي يخدم 16 ساعة في النهار، من ولد ...
18/06/2026

رسالة مفتوحة إلى السيد رئيس الجمهورية قيس سعيد
حفظه الله

سيدي الرئيس،
من تاكسيستي تونسي يخدم 16 ساعة في النهار، من ولد الشعب الي يفيق قبل الفجر باش يوصل المواطن و ولادو للخدمة و القراية

نكتبلك اليوم و القلب معبي، موش نشكي برك، أما نطلب الإنصاف لقطاع كامل قاعد يموت بالشوية

سيدي الرئيس، وضع التاكسي الفردي في تونس ولا كارثة:

أسوام الكراهب نار
Rav 4 ولا Peugeot 208 ولات بـ 80 و 90 ألف دينار. التاكسيستي بش يشري كرهبة جديدة لازم يبيع دارو. و المستعمل ولا هو زادة سومو طالع.

التأمين خنقنا
كل عام التأمين يطلع. توا وصلنا نخلصو 4000 و 6000 دينار في العام على كرهبة تخدم 24 ساعة. التأمين ولا أكثر من قسط الكرهبة

الإيجار المالي "الليزينغ" ذبحنا
البنوك تعطي في كراهب بسوم، و تسترجعهم بثلاثة أضعاف. التاكسيستي يخلص 5 سنين و في الآخر الكرهبة تولي مطبطبة. عبيد عند البنوك.

قطع الغيار و الصيانة
باكو فرانات بـ 200 دينار، فيلتر زيت بـ 40 دينار، و كل شي "أصلي" و سومو خيالي. الكرهبة الي تخدم نهار كامل، كل شهر لازمها تصليح بـ مليون.

النتيجة سيدي الرئيس:
القطاع تدهور. الشاب معادش يحب ياخو رخصة، و الي عندو رخصة قاعد يبيع فيها و يلوج على خدمة أخرى.
التاكسيستي الي باقي واقف، ولى يخدم باش يخلص في الديون برك. ما عادش يخلص في دارو، لا يقرّي صغارو، لا يعيش بكرامة

مطالبنا بسيطة و مشروعة سيدي الرئيس:
تخفيض الأداءات الديوانية على كراهب التاكسي الجديدة باش نجم نشري كرهبة بسوم معقول.
مراجعة سوم التأمين و وضع سقف خاص بسيارات الأجرة، خاطر إحنا مش كرهبة خاصة.
تنظيم الإيجار المالي و حماية التاكسيستي من شروط البنوك المجحفة.
مراقبة أسوام قطع الغيار و محاربة الإحتكار.

سيدي الرئيس، إحنا ما نطلبوش في المزيّة. نطلبو في حقنا باش نخدمو و نعيشو بكرامة في بلادنا.
إحنا درعك في الشارع، و عينك على المواطن، و الضامن الوحيد باش المواطن البسيط يلقى كيفاش يتنقل.

سيدي الرئيس، التاكسي الفردي هو مرفق عام. كان طاح القطاع، يطيح معاه المواطن الزوالي

نطلبو من سيادتكم فتح باب الحوار و الإنصات لوجع القطاع قبل فوات الأوان

عاش تونس حرة، و عاش التاكسيستي التونسي مرفوع الراس

إمضاء:
كل تاكسيستي حر في الجمهورية التونسية
من صفحة TAXI G7

إحنا تاكسيستية ندفعو باتيندة و أداءات و ناكلو في خطايا على خدمة التطبيقة موجودة أمام أنظار الجميع مطلبنا بسيط قانون وا...
14/06/2026

إحنا تاكسيستية ندفعو باتيندة و أداءات و ناكلو في خطايا على خدمة التطبيقة موجودة أمام أنظار الجميع

مطلبنا بسيط قانون واضح و عادل يا إما تمنعوها على الناس الكل و تطبقو القانون يا إما تقنوها و تعطيونا حقنا نخدمو بالتكنولوجيا كيف العالم الكل
التاكسي التونسي ما هوش ضد التطور التاكسيستي ضد الظلم و الكيل بمكيالين

صيغة إعتراض لمحضر تاكسي
كان تحب تعترض أهم نقاط دفاع للتاكسيستي

بتاريخ .... / .... / 2026 حرر ضد المعترض محضر عدد ..... على أساس استعمال تطبيق إلكتروني

و حيث أن المعترض لم يمتنع عن نقل أي حرفاء في الشارع و لم يرفض تشغيل العداد
و حيث أن التطبيق المستعمل هو مجرد وسيلة حجز مسبق و الأجرة تم احتسابها بالعداد القانوني الموجود بالسيارة
و حيث أن المعترض يدفع كامل الأداءات و الضرائب و مساهم في صندوق الدولة و يطالب بالمساواة أمام القانون

الطلبات: إبطال المحضر لعدم وجود ضرر و لا رفض خدمة

وجعنا واحد... و حلنا واحداليوم نعاهدو رواحنا قدام ربي و قدام بعضنا: عهد ما عادش نسكتو على حقناعهد ما نطيحوش من قيمة بعضن...
08/06/2026

وجعنا واحد... و حلنا واحد

اليوم نعاهدو رواحنا قدام ربي و قدام بعضنا:
عهد ما عادش نسكتو على حقنا
عهد ما نطيحوش من قيمة بعضنا

اكتب "عهد" كانك معايا و كانك موش معايا ادعيلي

ربي يلم شملنا 🤲

عهد على كرامتنا
عهد على مهنتنا
عهد إني خوك قبل ما نكون منافسك


TAXI G7

رسالة من مهني... للمهنيين الكل فيبالكم إلي التاكسي الفردي في تونس ولا يصارع باش يعيش؟ 1. الصانع هرب شاب معرس يخدم 12 سا...
06/06/2026

رسالة من مهني... للمهنيين الكل

فيبالكم إلي التاكسي الفردي في تونس ولا يصارع باش يعيش؟

1. الصانع هرب
شاب معرس يخدم 12 ساعة و يروح بـ 30 دينار، من غير CNSS من غير مستقبل طبيعي باش يبدل المهنة الي عندو صانع اليوم يحمد ربي و يحافظ عليه غدوة ما تلقاهش

2. الشيخ تهمّش
الي قضى عمرو كامل في الكرهبة نهار يفوت الـ 60 يقولولو ماعادش عندك حق في البادج بعد 40 سنة عرق وين يمشي؟ هاذا جزاء العمر الكل؟

3. التسعيرة ماتت
الكونتار مازال يحسب 0.550 للكيلومتر البنزين تضرب في 2 القطايع تضربت في 3 و احنا مازلنا نحسبو كيما عام 2010 كيفاش باش نعيشو؟

4. الكرامة مضروبة
2026 و مازال يوقفك قدام الحريف يسألو تطبيقية ولا كونتار؟ المهنة ولاّت تحقيق وين هيبتك كمهني؟

5. لا تغطية لا أمان
90% منا نخدمو من غير CNSS مرضت نهار = قصّ من شهرية صغارك حادث = خراب دار شكون يحمي فينا؟

القطاع ماشي و يندثر شوية بشوية و احنا نتفرجو...

سؤالي ليكم كلكم:
إنت كمهني اشنوة أكثر حاجة توجع فيك توا؟ الصانع، التقاعد، التسعيرة، ولا المعاملة؟
اكتب في الكومنتار المشكل متاعك:

صوتك باش يوصل كي نحكيو الكل بصوت واحد


TAXI G7

أهلا وسهلا بالعيلة الجديدة متاعنا 🔥 تحية كبيرة لـ Mohamed Brir, Mohsen Bouzayn, Àh Měđ, Abdallah Ach, Dali Daliمنورين ...
05/06/2026

أهلا وسهلا بالعيلة الجديدة متاعنا 🔥
تحية كبيرة لـ

Mohamed Brir, Mohsen Bouzayn, Àh Měđ, Abdallah Ach, Dali Dali
منورين الصفحة والله إن شاء الله نكونو عند حسن ظنكم ديما
وجودكم شرف كبير و دعمكم بركة معاكم نكبرو و معاكم نحسنو الخدمة.

Address

Tunis

Website

Alerts

Be the first to know and let us send you an email when TAXI G7 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category