كابتن أكرم أندريف وأخواتها

01/10/2026

هروب سيارة بعد التسبب بحادث
الصفحة الرسمية لوزارة الداخلية

01/10/2026

الدورة التدريبية 26/10/1

01/10/2026

01/10/2026

نسبة التطبيق من الأرباح

01/10/2026

شوية نصائح

30/09/2026

💔 هو إحنا اللي اتغيرنا؟ ولا الدنيا هي اللي اتغيرت؟
بما إني شغال كابتن وبشوف مواقف كتير طول اليوم، في حاجة بقت بتشغل بالي جدًا...
بشوف بنات بتطلب سكوتر أو موتوسيكل، وتركب ورا الكابتن، وده خلاني أسأل نفسي:
إمتى بقى الموضوع ده عادي بالشكل ده؟
زمان كانت البنت وهي راكبة ميكروباص تحاول تحافظ على مساحتها وخصوصيتها، وممكن تدفع أجرة كرسي زيادة علشان محدش يزاحمها أو يضايقها.
وكان عندنا في العربيات، البنت غالبًا بتقعد ورا، مش جنب السواق، حفاظًا على الخصوصية والحدود.
لكن النهارده بقى طبيعي إن بنت تركب ورا شخص غريب على موتوسيكل أو سكوتر، وفي كل مطب وكل حركة ممكن يحصل احتكاك جسدي غصب عن الطرفين.
الموضوع مش اتهام للبنت، ولا اتهام للكابتن.
الموضوع ببساطة إن فيه حدود وخصوصية لازم نحافظ عليها، خصوصًا لما يكون الشخص اللي قدامنا غريب عننا.
أنا مش عارف هل أنا بقيت قديم؟
ولا فعلًا بعض العادات والمفاهيم اتغيرت؟
ولا إحنا بقينا نستسهل حاجات زمان كنا بنحسب لها ألف حساب؟
رسالتي لكل أب وكل أخ وكل زوج:
👈 علّموا أولادكم وبناتكم إن الحياء مش ضعف، وإن الحفاظ على الحدود مش تعقيد.
👈 وعلموا أولادكم يحترموا نفسهم ويحترموا غيرهم.
ورسالة لكل كابتن سكوتر:
لو جالك مشوار ومش مرتاح إن بنت تركب وراك، اعتذر بكل احترام وارفض الرحلة.
مش عيب تقول: «آسف، أنا مش مناسب إني أركب بنت ورايا.»
وفي النهاية، كل واحد فينا مسؤول عن نفسه وعن تصرفاته.
يمكن أنا فعلًا بقيت قديم...
لكن لو الحفاظ على الحياء والحدود بقى اسمه "قديم"، فأنا مش زعلان إني قديم. 💔

30/09/2026

🔴 وداعًا للطفاية وشنطة الإسعافات والمثلث!
يا جماعة، فيه إجراءات جديدة هتبدأ بشكل تجريبي من بكرة الخميس 1 أكتوبر في وحدات المرور على مستوى الجمهورية، ودي باختصار أهم الحاجات اللي هتتغير:
🔥 أول حاجة: الشباك الواحد
يعني بدل ما تفضل تلف من شباك لشباك، هتروح لشباك واحد، تدفع الرسوم المطلوبة والموضحة قدامك، وتخلص إجراءاتك وتاخد رخصتك وتمشي.
والدفع هيكون إلكتروني.
🔥 تاني حاجة: مفيش فلوس خارج الرسوم المعلنة
يعني أثناء إجراءات الترخيص مش المفروض تدفع أي مبالغ إضافية تحت أي مسمى، والاستثناء هو المخالفات المرورية المستحقة اللي بتكون من خلال نيابة المرور.
🔥 وثالث وأهم نقطة 👇
مبقاش مطلوب منك تجيب طفاية حريق أو شنطة إسعافات أو مثلث عاكس علشان تطلع أو تجدد الرخصة.
يعني ببساطة:
🚒 لا طفاية
🩹 لا شنطة إسعافات
🔺 لا مثلث إجباري للترخيص
والوزارة أوضحت إن الإجراءات الجديدة من شأنها تقليل تكلفة رسوم إصدار وتجديد التراخيص.
📌 والتطبيق التجريبي يبدأ من الخميس 1 أكتوبر في جميع وحدات المرور على مستوى الجمهورية.
وأهو بدل ما تسمع الكلام من هنا ومن هنا، دي الإجراءات اللي تم الإعلان عنها رسميًا.
لو عندك ترخيص قريب، شير البوست لزميلك عشان يعرف إيه اللي اتغير.

30/09/2026

فارس الصياد

29/09/2026

شرح تفاصيل الرحلات

27/09/2026

وجهة العميل من أهم أركان المهنة لازم اتأكد ان المنطقة اللي هروحها هقدر ارجع منها بعميل او تكون منطقة آمنة من حيث الدخول والخروج
#صباحا
لا تذهب نهائي الي العاصمة الإدارية 'والقرية الذكية 'العاشر من رمضان' المدينة الصناعية في أكتوبر
#مساء
بعد ١٠ م لو انت من سكان القاهرة الكبري داخل التجمعات السكانية بلاش تذهب الي
مدينتي _ الشروق _ الخانكة _ العبور _ ١٥ مايو _ أكتوبر وضواحيها
الذهاب مساء لتلك المناطق مجاذفة ممكن ترجع برحلة وممكن كتير تقعد ساعتين او ٣ علشان ترجع تاني
#الجيزة
مطار سفنكس. أبو النمرس. المنيب من جوا. الحوامدية. البدرشين. أطفيح . الصف. بشتيل .لعبة .ترعة زنين ناهيا..ترعة المجنونة..كفر برك الخيام.. كفر حكيم..الصليبة. برقاش. اوسيم. البراجيل. عثمان محرم .. كفر طهرمس.. منشية البكري. ال ٣ طوابق. زاوية مسلم. شبرا منت

العتبة والموسكي والدرب الأحمر حتي ال 10 صباحا زي الفل بعد كده بلاش

عين شمس الشرقية والغربية. أول السلام. الخصوص. ٦ أكتوبر جسر السويس. مؤسسة الزكاة. المرج. بهتيم. ام بيومي . بيجام . باسوس. دار السلام. بئر ام سلطان. عزبة النخل. عزبة شلبي. مسطرد . عزبة الطوايلة. شبرا الخيمة. عزبة الوالدة. كوم غراب . الخانكة. ابو زعبل. الجبل الأصفر. القلج. ميت نما. دير سمعان المقطم

اكيد في حاجات سقطت مني لكن المهم بلاش المناطق دي
تكاتك وميكروباصات بدون نمر ومطبات وكله ماشي عكس وبلاعات

دمتم بخير وكل عام وحضرتكم بخير
والسلام عليكم ورحمة الله وبركاته