وصلهالى ـ waslhaly

Home
Egypt
Cairo
وصلهالى ـ waslhaly

Contact information, map and directions, contact form, opening hours, services, ratings, photos, videos and announcements from وصلهالى ـ waslhaly, Transportation Service, شارع عمر مكرم, Cairo.
(2)

توصيل فورى بين المحافظات، تقدر تبعت اى حاجه لـ أى محافظه وبتوصل مسافة الطريق خلال أربع ساعات، وده بيتم بأمان تام عن طريق مناديبنا و وكلاؤنا، وبتقدر تبعت اى شئ زى أوراق مهمه ـ ادويه ـ هدايا ـ أى شيئ طارئ
"تأسست عام 2024"
"رقم التسجيل الضريبي: 809-339-655"

22/05/2026

شــكـراً لـتـفهـمـكـم وثـقـتكــم 💛🦸

14/05/2026

لو مغترب وعايز تبعت حاجه مع حد نازل مصر ، أكيد قابلتك مشاكل زي👇
• مفيش حد من أهلك يروح يستلم الشحنه من محافظة تانيه
• شركات الشحن العاديه مش هتروح مخصوص تستلم شحنه واحده
• الشحنه مهمه أو غاليه ولو اتشحنت مع شركه عاديه بتفضل أيام فى التخزين والنقل ودا ممكن يسبب تلف أو بهدله للشحنه

وصلهالى موجوده حواليك فى 14 محافظه 🇪🇬
إبعت شحنتك مع أي حد نازل مصر والباقى علينا 🤝
إحنا بننسق مع الشخص بعد وصوله ، ونستلم الشحنه منه مباشرة ، ونوصلها لحد باب البيت بأمان وسرعه فى نفس اليوم🚀

وصلهالى ، مش مجرد توصيل 💛🦸

03/05/2026

عملائنا الكرام 💛
لضمان استلام و وصول شحناتكم بأمان وفي الوقت المحدد ، نرجو منكم التأكد من مطابقة بيانات الشحنة المسجلة مع الواقع عند الاستلام

🔰ليه ده مهم؟
كل شحنة بيتم تخصيص مندوب وطرق نقل مناسبة ليها مسبقاً بناءً على البيانات اللي حضرتك سجلتها
على سبيل المثال لو مسجل محتوى الشحنه "بوكس هدية" والمندوب وقت الاستلام لقى كيس أو شنطه ، ده بيسبب مشاكل زى
1. احتمال رفض الاستلام لاختلاف المواصفات ودفع رسوم إلغاء وانتظار للمندوب
2. خطر على الشحنة أثناء النقل لو حضرتك أصريت أن المندوب يستلمها "وهو مش المندوب المناسب للشحنه دى"
3. تكلفه اكبر من المتفق عليه

🔰ساعدنا نخدمك صح
•الوزن والحجم المسجل وقت تأكيد الطلب لازم يكون مطابق لـ اللى المندوب هيوصل يستلمه
• التغليف لازم يكون مطابق لـ اللى حضرتك ذكرته وقت تسجيل الاوردر
• عناوين الاستلام والتسليم وطريقة الدفع لازم تكون مطابقة لـ اللى حضرتك سجلته وقت تأكيد الاوردر

أى تعديل أو إضافات بتكون قبلها بوقت كافى مع موظف المتابعه إللى بيكون على تواصل معاك من وقت ما سجلت الاوردر

دقتك وإلتزامك بيفرقو معانا ومعاك ✅
#وصلهالى

22/04/2026

في وصلهالي قدرنا نوصل آلاف شحنات الأدويه اللي محتاجة درجة حرارة معينة وتبريد عالى ، وكلها وصلت بأمان تام ومن غير أي مشاكل💛
At Waslhaly, we were able to deliver thousands of medical shipments that require specific temperatures and high-level refrigeration, and all of them arrived safely with no issues 💛

19/04/2026

مطلوب للتوظيف ( مدير تشغيل - Operations Manager )
"أنثى"

📌 المهام
• إدارة ومتابعة عمليات الشحن اليومى
• متابعة الأداء وحل أي مشاكل أثناء التشغيل
• التعامل مع شكاوى العملاء وفريق العمل بشكل احترافي

📌 الشروط
من سكان طنطا
شخصيه قياديه
يفضل خبرة سابقة في مجال الشحن أو اللوجستيك
مهارة في التنظيم وإدارة الوقت
إجادة التعامل مع العملاء وفريق العمل

📩 للتقديم يرجى ارسال الـ CV على الايميل التالى
[email protected]

18/04/2026

قعدتو تقولو على موظفين طنطا "فرع الفلاحين" "فرع الفلاحين"
لحد ما لقيناهم سايبين مكاتبهم وشغالين من ع "المصطبه" بالمعنى الحرفى💛😂

12/04/2026

صباح الخير ، بالنسبه للمكان ده 4 Princess Boutique
إحنا كنا متجنبين تمامًا إننا نطلع الموضوع ده للسوشيال ميديا، وكنا ناويين نجيب حق المندوب بتاعنا في صمت، لكن بعد ما تم نشر بوست فيه تشهير بينا وادعاءات غير صحيحة، يبقى لازم نوضح الحقيقة كاملة.
والكلام اللي هنقوله ده مش تشهير بحد، ده رد مباشر على بوست اتنشر عننا وبيحتوي على معلومات غير صحيحة، وحق الرد مكفول لينا

أي مندوب تحت سقف الشركة مش مجرد فرد، ده عمود أساسي من أعمدتها، وحقه بالنسبة لنا خط أحمر، ومش هنتنازل عنه مهما حصل أو مهما كانت النتائج لأن مناديبنا كلها محترمه جدا ومختاره بعنايه وبقالنا سنتين فى السوق المصرى مجاش شكوى من ولا مندوب عندنا

وكمان بنشكر كل الناس اللي دعمت المندوب وتواصلت معانا خصوصًا بعد التفاعل الكبير جدًا على البوستات اللى نزلت فى الجروبات من طرف "شقيقته" واللي وضحت اللى المندوب اتعرض ليه 💛🙏

تفاصيل اللي حصل:
فيه عميلة طلبت شحنة توصل لمصر الجديده من شارع بورسعيد اللى في القاهرة، وتم تحديد السعر 270 جنيه ومدة الوصول ساعتين
لكن عند تأكيد الأوردر اتضح إن العنوان تقصد شارع بورسعيد المنصورة، وتم إبلاغها إن السعر الصحيح 390 جنيه ومدة الوصول ٥ ساعات ، ووافقت على كده بشكل واضح زى ما موضح فى الاسكرين المرفق وأكدت الاوردر على بكره
المندوب استلم الشحنة من المنصورة الساعه ٢ ظهرا ، ولما وصل المكان فى مصر الجديده الساعة 6 مساءً، المكان ده استلم الشحنه منه لكن تم رفض دفع المبلغ المتفق عليه، ومحاولة فرض مبلغ أقل (270 جنيه)
رغم تأكيد العميلة الراسله نفسها عليهم إن السعر 390 جنيه، تم الرفض مرة تانية، وتمسكوا بدفع مبلغ أقل.
مشرف المنطقة تواصل مع المكان ده ووضح الاتفاق، وطلب يا إما دفع المبلغ الصحيح أو تسليم الشحنة للمندوب يرجعها لصاحبتها وخلاص ، لكن تم الرفض في الحالتين وقالو ده اللى عندنا !
وبعد محاولات كتير، تم إعطاء المندوب كيس فيه قماش مقطع بدل الشحنة الأصلية اللى رايح بيها ، ولما طلب الرجوع للكاميرات تم الرفض منهم
المندوب والمشرف فضلوا يحاولوا من الساعه 6 لحد الساعة 9:30 مساءً بدون أي حل، وتم تعطيل المندوب والتعامل معاه بشكل غير لائق طوال الفترة دي، لحد ما اضطر يتصل بالنجدة
النجدة وصلت الساعة 10:30 مساءً، بوجود النقيب أح** ما** من قوة قسم النزهة، تم إثبات الواقعة وجاب للمندوب حقه المادى (390 جنيه)

المفاجأة كانت إننا تانى يوم اللى هو السبت فوجئنا ببوست من صفحتهم بيحذر من التعامل معانا زى ما موضح فى الاسكرين المرفق!
وده علشان "شقيقة" المندوب نزلت بوست بتحكي اللي حصل واللي وضح حجم الأذى النفسي والإهانة اللي تعرض لها لمدة ساعات وأن اخوها صعبان عليها
وكمان الرسائل والكومنتات اللي وصلتنا وجات على البوستات أكدت إن في وقائع مشابهة حصلت قبل كده من المكان ده مع مناديب كتير وعملاء كتير لدرجة أن خلال ساعات حصل عندهم على صفحتهم كمية "اغضبنى" رهيبه ، لكن ده مش دورنا نحكم فيه ، إحنا بنرد فقط على اللي اتقال عننا

إحنا مش هنسكت على تشهير بينا أو ادعاءات كاذبة زى ما حصل
وحق المندوب مش هيتساب ، ولا من ناحية الإهانة، ولا من ناحية الأذى النفسي اللي تعرض له لمدة 5 ساعات ومحاولة النصب عليه ، ولا من ناحية باقى الشغل اللى اتعطل عنه وسبب ليه ولينا مشاكل كبيره
وإحنا جاهزين نكمل الموضوع قانونيًا لآخر مدى.
ولو في أي شك في كلامنا، يبقى الحل بسيط:
يتم عرض كاميرات المكان يوم الجمعة 10 أبريل، من الساعة 6 مساءً حتى 10:30 مساءً لحد ما النجده اللى المندوب طلبها وصلت، والناس كلها هتشوف الحقيقة كاملة واللى اتعمل مع المندوب !
وفي النهاية
إحنا شركة قائمة على الاحترام والالتزام، لكن في نفس الوقت مش بنقبل الظلم ولا بنسيب حق فرد مننا ، وكان لازم نوضح ردنا قدام الجميع 💛

01/04/2026

نظراً لسوء الأحوال الجوية الشديد والأمطار الغزيرة حالياً في معظم المحافظات

تم تعليق الخدمة مؤقتاً "داخل وخارج المحافظات" حرصاً على سلامة مناديبنا وفريق العمل

• جميع الحجوزات المقررة ليوم غد سيتم تأجيلها لحين تحسن واستقرار الأحوال الجوية (ما عدا الحالات الطارئة "الأدويه" وما شابه )

• بالنسبة للأوردرات الجاري تنفيذها حالياً:
بنواجه صعوبات في الحركة والتنقل ، وبنحاول نكمل اليوم بشكل طبيعي ، لكن يوجد تأخيرات فى مواعيد الوصول بدون حدوث أى مشكله فى محتوى الشحنات فـ هى مؤمنه بالكامل

سلامة فريقنا أهم أولوياتنا ، ونقدّر تفهّمكم للوضع الحالي 🙏

26/03/2026

- هل العميل اللى بيختار المندوب ولا الشركه؟
= قسم التشغيل "Operations" اللى بيختار ✅

بمجرد ما حضرتك تبلغنا بتفاصيل ومحتوى الشحنة ، فريق التشغيل بيقوم باختيار المندوب الأنسب ليها من بين مناديبنا بما يتوافق مع طبيعة الشحنة واحتياجاتها

جميع المناديب لدينا تابعين للشركة بشكل مباشر أو للوكيل التابع لنا ، وبيخضعوا لإشراف ومتابعة مستمرة بشكل لحظى ، والشركة هي المسؤولة الكاملة عنهم وعن مستوى الخدمة المقدمة

بالتالي أي ملاحظات أو استفسارات بتكون من خلال الشركة أثناء تنفيذ الأوردر
وحرصًا على جودة الخدمة وتنظيمها ، توجيه معلومات للمندوب غير المسجله فى الاوردر أو التعامل المباشر مع المندوب غير متاح ، المتاح فقط هو متابعة حركة الشحنة معه لحين التسليم ، أما توجيه المعلومات أو تغييرها أو التبليغ بمستجدات على الشحنه يكون من خلال قسم المتابعه أو الدعم الفنى فقط
المندوب دوره يقتصر على الاستلام والتسليم فقط وأى توجيهات أخرى أو ملاحظات تتم من خلال موظف المتابعه لضمان تقديم خدمه بدون مشاكل كما عاهدتمونا دائما 💛

10/03/2026

نحيط سيادتكم علمًا بأنه نظرًا للزيادات الأخيرة في تكاليف التحركات ، سيتم تطبيق زيادة قدرها 10٪ على الأسعار الحالية، وذلك اعتبارًا من غدًا الأربعاء ١١ مارس
وقد حرصنا طوال الفترة الماضية على تثبيت الأسعار قدر الإمكان، ولكن مع الارتفاعات المستمرة أصبح من الضروري إجراء هذا التعديل البسيط، حتى نستطيع الاستمرار في تقديم خدماتنا بنفس السرعه و الجودة المعتادة
نشكر ثقتكم الدائمة بنا 💛

Address

شارع عمر مكرم
Cairo
11511

Website

https://tinyurl.com/Waslhaly

Alerts

Be the first to know and let us send you an email when وصلهالى ـ waslhaly posts news and promotions. Your email address will not be used for any other purpose, and you can unsubscribe at any time.

Shortcuts

Featured

تورست لايجار السيارات والليموزين في مصر , Ren
12 شارع الحجاز مصر الجديده

Want your business to be the top-listed Taxi in Cairo?