ბათუმის ავტოტრანსპორტი

30/07/2026

ლეხ და მარია კაჩინსკების ქუჩაზე შესრულდა გზის მონიშვნის სამუშაოები.

სამუშაოების ფარგლებში დაიხაზა ქვეითთა გადასასვლელები და გზაგამყოფი ზოლები.

#ბათუმისავტოტრანსპორტი

17/07/2026

2026 წლის 18 ივლისიდან ალექსანდრე პუშკინის ქუჩაზე ორმხრივი მოძრაობა აღდგება.

ორმხრივი მოძრაობის აღდგენის მიზნით ქუჩაზე განხორციელდა შესაბამისი სამუშაოები:
▪️ დამონტაჟდა ახალი და მოიხსნა ძველი საგზაო ნიშნები;
▪️განახლდა საგზაო მონიშვნები (მიმმართველი ისრები, გზაგამყოფი ზოლები და სხვ.);
▪️ შუქნიშნები გადაეწყო ახალი, ორმხრივი მოძრაობის რეჟიმზე.

გთხოვთ, გადაადგილებისას ყურადღება მიაქციოთ განახლებულ საგზაო ნიშნებს, საგზაო მონიშვნებს, შუქნიშნების სიგნალებს და დაიცვათ საგზაო მოძრაობის წესები.

#ბათუმისავტოტრანსპორტი

10/07/2026

01/07/2026

#ბათუმისავტოტრანსპორტი

30/06/2026

სუფთა და მოწესრიგებული საზოგადოებრივი ტრანსპორტი თითოეული ჩვენგანის პასუხისმგებლობაა

საზოგადოებრივი ტრანსპორტი ჩვენი საერთო საკუთრებაა. ყოველი მოხატული კედელი, დაზიანებული სავარძელი თუ გატეხილი ინვენტარი აზიანებს იმ სივრცეს, რომლითაც ყოველდღიურად ათასობით ადამიანი სარგებლობს.

ვანდალიზმი მხოლოდ ქონების დაზიანება არ არის - ის იწვევს დამატებით ფინანსურ ხარჯებს, აფერხებს დაზიანებული ინფრასტრუქტურის დროულ აღდგენას, ამცირებს მგზავრთა კომფორტსა და უსაფრთხოებას, უარყოფითად აისახება საზოგადოებრივი ტრანსპორტის ხარისხზე.

მოვუფრთხილდეთ საზოგადოებრივ ტრანსპორტს!
ერთად შევინარჩუნოთ სუფთა, უსაფრთხო და კომფორტული გარემო თითოეული მგზავრისთვის.

გახსოვდეთ: საზოგადოებრივი ტრანსპორტი ჩვენი საერთო პასუხისმგებლობაა.

#ბათუმისავტოტრანსპორტი

26/06/2026

მგზავრთა საყურადღებოდ!

1-ლი ივლისიდან, ზაფხულის სეზონთან დაკავშირებით, იზრდება მუნიციპალური ტრანსპორტის სამუშაო დრო – საზოგადოებრივი ტრანსპორტი მოქალაქეებს ყოველდღიურად 07:00 საათიდან 01:00 საათამდე მოემსახურება.

#ბათუმისავტოტრანსპორტი

17/06/2026

ბათუმის ავტოტრანსპორტმა ახალგაზრდობის რეგიონული ცენტრის კლუბის წევრებს უმასპინძლა.

ვიზიტის ფარგლებში ახალგაზრდები გაეცნენ საწარმოს საქმიანობას, მუნიციპალური ტრანსპორტის მუშაობის სპეციფიკას და მიმდინარე პროცესებს. შეხვედრის დროს მონაწილეებს შესაძლებლობა ჰქონდათ მიეღოთ ინფორმაცია მათთვის საინტერესო საკითხებზე და გაეზიარებინათ საკუთარი მოსაზრებები.

ბათუმის ავტოტრანსპორტი ახალგაზრდების ჩართულობასა და ცნობიერების ამაღლებაზე ორიენტირებულ მსგავს შეხვედრებს მომავალშიც განაგრძობს.

#ბათუმისავტოტრანსპორტი

17/06/2026

იაკობ გოგებაშვილის ქუჩაზე მიმდინარეობს საგზაო მონიშვნის სამუშაოები.

#ბათუმისავტოტრანსპორტი

09/06/2026

მგზავრთა საყურადღებოდ!

გაცნობებთ, რომ იაკობ გოგებაშვილის ქუჩაზე ორმხრივი სატრანსპორტო მოძრაობა აღდგა.

შესაბამისად, მუნიციპალური ავტობუსები №1, №10, №10ა, №15 სამარშრუტო ხაზები დაუბრუნდნენ აღნიშნულ მონაკვეთზე მოძრაობას და მგზავრებს ჩვეულ რეჟიმში მოემსახურებიან.

გთხოვთ, გადაადგილების დაგეგმვისას გაითვალისწინოთ აღნიშნული ცვლილებები.

#ბათუმისავტოტრანსპორტი

08/06/2026

მგზავრთა საყურადღებოდ!

გაცნობებთ, რომ 9 ივნისიდან ბარცხანის ხიდზე სატრანსპორტო მოძრაობის აღდგენასთან დაკავშირებით, მუნიციპალური ავტობუსების №8, №9 და №19 სამარშრუტო ხაზები აღნიშნულ მონაკვეთზე მოძრაობას განაახლებენ და დაუბრუნდებიან ჩვეულ სქემას.

გთხოვთ, მგზავრობის დაგეგმვისას გაითვალისწინოთ აღნიშნული ცვლილებები.

#ბათუმისავტოტრანსპორტი