15/07/2020
🔷სახმელეთო ნაკრები ტვირთის ტრანსპორტირებისას გადამწყვეტი მნიშვნელობა ენიჭება დატვირთული პალეტის ზომებს. 📦📐
📐გრძივი მეტრი გამოითვლება იმის მიხედვით, თუ რა სიგრძე, სიგანე და სიმაღლე აქვს დატვირთულ პალეტს.
📦 ყველაზე მეტად გავრცელებული პალეტის სახეობა გახლავთ ევრო პალეტი, რომელსაც სიგრძე და სიგანე აქვს სტანდარტულად ერთი ზომის - 120*80 სმ, ხოლო სიმაღლე მუდამ განსხვავებული. სწორედ ამ ზომების გათვალისწინებით გამოითვლება ტრაილერში დასატვირთი ტვირთის სრული ზომა.
🚛 სტანდარტულ ტენტიან ტრაილერში (13.6*2.45*2.5 მ) სიგანეში ეტევა 3 ევრო პალეტი (0.8*3= 2.4 მ) ხოლო სიგრძეში 11 ევრო პალეტი (1.2*11= 13.2 მ), ანუ ჯამში სტანდარტული ტენტი იტევს 33 ევრო პალეტს.
ნაკრები ტვირთის გადაზიდვის დროს, შესაძლებელია 33 პალეტზე მეტის ან ნაკლების ჩატვირთვა, რადგან ყველა ტვირთის ტრანსპორტირებას იმპორტიორი/ექსპორტიორი არ ახორციელებს ევრო პალეტებით,
📌 სწორედ ამიტომ, თუ გაქვთ გადასაზიდი მცირე ზომის ტვირთი, ყოველთვის საჭიროა იცოდეთ : მისი ზუსტი სიგრძე, სიგანე, სიმაღლე და წონა, რაც მნიშვნელოვან გავლენას ახდენს ტრანსპორტირების ტარიფზე.