KMB 九巴專頁

17/06/2026

【尋找未出現嘅戰士！KMB RANGERS! 最後召集🔥】
​
「最後召集訊號已向全港發出！未現身嘅隱世戰士，係時候覺醒啦！」
九巴Bus Stop Hunt 挑戰賽 —— KMB Rangers 報名已經踏入終極倒數！六大巴士機組已經蓄勢待發，紅戰士亦已經喺基地準備就緒，就差你同你嘅神隊友未歸位！
記住，報名通道將於 6月19日（五） 正式關閉！只要你成功參戰並完成任務，就可以攞齊 KMB Rangers 限定戰隊主題紀念品、完賽榮譽獎牌，同埋極具收藏價值、出面買唔到嘅 1:120 限定巴士模型 帶返基地！🎁🚌✨ 千祈唔好錯過咗呢個變身機會！
​
快啲搵埋 2-4 位隊友組成最強戰隊，無悔今個夏天：
🔴 公開組：12歲或以上，自問對路線規劃有神級直覺嘅熱血大佬！
🟡 親子組：3-11歲「小小戰士」聯同家長一齊出擊，傳承巴士之魂！
🔵 員工組：內部精英請即經九巴員工網報名！
​
💰報名費詳情：
🟢3-11歲 小童戰士：HK$300 / 位
🔴12歲或以上 成人戰士：HK$380 / 位
​
📊任務檔案
決戰日期： 2026年8月23日（星期日）
作戰時間： 上午 9:00 至 下午 3:00
作戰基地（起/終點）：九巴月輪街車廠
戰賞大獎： 金、銀、銅獎，仲有襯定戰衣爭奪嘅「最佳造型獎」🎖️
​
🔥尋找未出現嘅戰士！即刻 Click 入傳送門，全體 KMB Rangers 準備出發
🔗終極報名傳送門： https://kmbrangers.kmb.hk/Registration/
​
#九巴 #巴士戰隊 #尋找未出現嘅戰士 #最後召集 #終極倒數 #限定巴士模型

16/06/2026

【📸獨家直擊】Hangyodon喺尖沙咀碼頭出現！💙準備同佢一齊展開浪漫之旅未？
​
嘩！Hangyodon登陸咗尖沙咀碼頭巴士總站呀！😍現場除咗有超吸睛嘅主題車站，仲有特設嘅 HK1 主題巴士！身為「Hangyodon粉」同巴迷，點可以就咁影張相就走？
​
九巴仔今日特意為大家送上「超實用打卡懶人包」，跟實片段嘅推介，保證你影到張靚相！🎬✨即睇！
​
最後記住上埋二樓前排，臨出發前同鏡頭揮揮手～
即刻坐埋 「城市魅力」HK1 巴士出發，同 Hangyodon、九巴仔一齊展開浪漫之旅啦！✨
​
📸快啲 Tag 你身邊最想去打卡嘅朋友，今個禮拜一齊去尖沙咀碼頭捕捉 Hangyodon 同九巴仔啦！
​
#九巴 #九巴仔 #尖沙咀碼頭 #打卡好去處 #打卡教學 #運鏡攻略 #巴士打卡 #期間限定 #香港好去處

11/06/2026

【九巴仔攜手玩具反斗城！最強車隊登陸又一城】

各位巴士迷同大玩具迷注意！九巴今次同 Toys"R"Us 玩具反斗城驚喜聯乘，將多款超人氣、極具紀念價值嘅經典同全新巴士模型帶到又一城期間限定店！

今次精選系列包括全城矚目嘅 93週年紀念版「前衛雙子星二型」、多款主力行駛 HK1觀光線嘅精緻 QBus 與 1:110 模型，更有充滿復古情懷嘅「車長訓練學校」丹拿 A 型巴士，無論係收藏定送禮都係滿分之選！即睇有咩必入精華產品！

🚌本次必收清單 (部分精選)：

✨「93週年」富豪B9TL 前衛雙子星二型 (1:76 / QBus)
路線：93K 旺角東站 / 寶林（週年限定設計，巴士迷必收！）

✨「觀光企劃」HK1 路線系列模型
電動Qbus 套裝：丹尼士歐盟五代（HK1 九巴遊香港）

✨1:110 比例：富豪 B8L（HK1 遊九龍）
✨1:110 比例：ADL E500 MMC 馬年開篷巴士（HK1 尖沙咀-黃大仙）

✨「經典情懷」丹拿A型 (1:110)
車長訓練學校經典復刻，重溫舊香港情懷！

✨仲有超人氣 KMB x Hangyodon 產品同多個打卡點等你嚟發掘！

KMB x Toys"R"Us 期間限定店資訊
📅日期：即日起至 2026 年 6 月 30 日
📍地點：九龍塘又一城 Kiosk 1, L1
⏰時間：11:30am - 09:00pm (星期一至五) 及 11:00am - 09:00pm (星期六、日及公眾假期)
💡九巴網上商店KMB Shop都可以買得到~
傳送門🛒：https://www.design1933.hk/

#九巴 #九巴仔 #玩具反斗城 #又一城 #九巴模型 #巴士迷 #觀光巴士 #93週年 #香港限定

08/06/2026

【特別天氣交通安排⛈️】

受惡劣天氣影響，今日嘅「九巴遊香港」路線HK1及HK2暫停服務。

其他路線暫時維持正常🚌，有部份路線有機會因出現水浸或或更改道路，而令行車時間延長，敬請原諒🙏🏻。

各位乘客返緊屋企嘅話，記得留意特殊改道通知同服務更新📣，我哋會將第一手嘅情況喺呢度同App1933繼續同大家update！大家記得留喺安全地方暫避啦！

#九巴 #服務更新

04/06/2026

【🚨KMB Rangers 早鳥最後召集！倒數階段，切勿錯失變物機會！】
​
「出擊時間迫在眉睫！各位戰士已經蓄勢待發，就差你呢一隊！」
九巴 Bus Stop Hunt 挑戰賽 —— KMB Rangers 早鳥優惠已經進入最後倒數階段！全港嘅路線規劃大師🚌、巴士熱血戰士已經紛紛歸位，你同你嘅隊友仲未郁手？！
​
只要喺截止前成功報名，一樣可以攞齊 KMB Rangers 限定戰隊主題紀念品，完賽仲有榮譽獎牌🏅，同埋極具收藏價值嘅 1:120 限定巴士模型帶返基地！🎁
​
唔想痛失早鳥優惠？即刻叫齊 2-4 位隊友，喺限定時間內輸入解鎖密碼，用最震撼嘅戰隊優惠價參戰：
​
⏰早鳥優惠：即日起至 6月5日 11:59pm
🔑戰隊解鎖密碼：KMBRANGERS
​
成人隊員： 折扣價 HK$361 / 位 (原價 $380)
小童隊員： 折扣價 HK$285 / 位 (原價 $300)
​
📊任務檔案
決戰日期： 2026年8月23日（星期日）
作戰時間： 上午 9:00 至 下午 3:00
作戰基地（起/終點）：九巴月輪街車廠
🔗戰隊基地傳送門：https://kmbrangers.kmb.hk
​
#九巴 #巴士戰隊 #早鳥優惠 #限定巴士模型 #戰隊召集 #熱血出擊

九巴或龍運員工、員工家屬、退休員工，請與職員關係及福利服務部聯絡九巴之友請與顧客體驗部聯絡參加者報名時須以電子支付方式繳交報名費。報名一經接納，報名費將不予退還。

29/05/2026

【🔥KMB Rangers 誕生！緊急召集：全港巴士戰士，即將出擊！ 🔥】

「唯有最強嘅KMB Rangers先可以做出最佳嘅路線規劃，打破僵局！」
第2屆九巴巴士站定向挑戰賽，「KMB Rangers！」正式啟動！今年我哋需要召集全港隱世嘅巴士高手，組成專屬你哋嘅 KMB Rangers，一齊用速度同智慧挑戰唔同嘅巴士站！利用九巴及龍運手機應用程式App1933規劃行程，乘搭九巴或龍運不同路線前往關卡塔（即巴士站）完成指定任務。

特攝片主角除咗有熱血，仲要有最強裝備！每位成功完成賽事嘅 KMB Rangers 隊員，除咗有一系列限定主題紀念品、象徵榮譽嘅活動獎牌，仲可以獲得終極戰駒， 1:120「KMB Rangers！」限定巴士模型一架！🚌✨

每個組別均設冠軍、亞軍及季軍，將獲贈獎盃乙個；賽事另設「最佳造型獎」，一眾參加者可以「扮鬼扮馬」，換上創意裝扮爭奪獎項。

⚔️ 尋找你嘅戰隊隊友！
快啲搵埋你身邊嘅隊友，組成 2 - 6人戰隊，選擇你哋嘅出戰組別：

🔴 【公開組】：極速傳說！適合年滿 12 歲或以上、對九巴路線瞭如指掌嘅神級大佬！

🟡 【親子組】：傳承之火！最少一位 3-11 歲嘅「小小戰士」聯同家長一齊出擊！

🔵 【員工組】：內部精英，展現專業嘅實力！

所有人由「九巴月輪街車廠」基地出發，飛奔全港巴士站完成指定任務、儲分爭奪金、銀、銅獎！

要贏人，首先要搶到早鳥優惠！記住以下「限定變身時間」，輸入限時 Promo Code，用最震撼嘅超低消費起動戰隊！

⏰變身有效時間：6月1日 12:00nn 至 6月19日
早鳥優惠：6月1日 12:00nn 至 6月5日 11:59pm
🔑戰隊解鎖密碼：KMBRANGERS
成人隊員： 折扣價 HK$361 / 位 (原價 $380)
小童隊員： 折扣價 HK$285 / 位 (原價 $300)

📊 任務檔案
決戰日期： 2026年8月23日（星期日）
作戰時間： 上午 9:00 至 下午 3:00
作戰基地（起/終點）：九巴月輪街車廠

🔗 戰隊基地傳送門：https://kmbrangers.kmb.hk

#九巴 #巴士戰隊 #早鳥優惠 #限定巴士模型 #戰隊召集 #熱血出擊

28/05/2026

【你今日聽咗未？】九巴App「智能問路」！但係把聲竟然似……？ 🤖💬
​
九巴 App1933 最近嘅「智能問路」功能💬，原意係想好溫柔、好體貼咁導航大家返屋企。點知一開聲，有朋友人就出現黑人問號🧐，仲收到好多乘客回報，話語音助手把聲非常耳熟，好似喺邊度聽過咁！
​
九巴仔特設以下投票，大家覺得呢把聲最似邊個？
1️⃣ 米奇（吱吱！）
2️⃣ 達哥（大內密探零零發入面嘅「大夫」：喂～喂～喂～）
3️⃣ 掌門人（Super！）
​
快啲開我哋App1933聽吓把聲，然後返嚟話畀九巴仔聽你嘅答案啦！👇
​
#九巴 #九巴仔 #智能問路 #語音助手 #你覺得似邊個 #聽完返唔到轉頭

26/05/2026

【九巴仔 x Hangyodon同九龍城美食的浪漫邂逅🤤】

對 Hangyodon 嚟講，認識一個城市最浪漫嘅方式，莫過於用味蕾記錄每個風景。今次九巴仔特意帶佢搭上 HK1，展開一場非一般嘅港式浪漫覓食之旅！

📍 第五站：九龍城
由港式雞蛋仔食到魚蛋燒賣，再嘆返杯香濃奶茶，每一道地道小食，都係香港送畀佢嘅浪漫驚喜🍜🌮！對九巴仔嚟講，可以用味道嚟記住呢座城市嘅熱情，就係最治癒嘅事。

💡 Travel Tips：
搭 HK1 於「九龍城轉車站—富豪東方酒店」落車，步行入衙前圍道一帶最方便，上層車位可以飽覽九龍城舊區轉變，食飽仲可以搭返轉頭睇夜景！

大家又想我嚟緊帶 Hangyodon 去邊度浪漫打卡呢😎？

#九巴 #九巴仔 #九龍城 #覓食之旅 #用味蕾感受香港 #地道小食 #港式浪漫 #觀光巴士 #美食天堂

21/05/2026

【✨九巴仔 x Hangyodon 驚喜出沒！尖沙咀主題巴士站打卡＋限時送磁石貼快閃活動！🎁】
​
除咗坐開篷巴士，九巴仔同 Hangyodon 嘅浪漫足跡已經延伸到去尖沙咀鬧市啦！💙
由即日起至 5月28日，尖沙咀金巴利道巴士站（美麗華廣場一期對出）將會變身成九巴仔 x Hangyodon 主題巴士站！浪漫滿分，各位Hangyodon迷行過路過記得要同我哋影相呀📸！
​
仲有仲有，九巴仔仲預備咗驚喜遊戲同大家互動！只要喺指定日子嚟搵我哋完成簡單任務，就可以即場帶走 「九巴仔❤️Hangyodon 香港漫遊日記磁石貼」 一份（一共 4 款），款款都記錄咗我哋喺香港嘅浪漫時光，一定要儲齊一套呀！🎁
​
🌟派發活動詳情：
📅 日子：5月22至25日（星期五至一）
⏰ 派發時間：中午12點 - 下午6點
📍 地點：尖沙咀金巴利道巴士站（美麗華廣場一期對出）
⚠️ 溫馨提示： 磁石貼數量有限，先到先得，換完即止*！大家記住 Mark 低日子，早啲嚟搵我哋啦！🏃‍♂️💨
​
大家最鍾意邊款磁石貼？快啲 Tag 你嗰個鍾意 Hangyodon 嘅朋友一齊嚟打卡攞禮物啦！👇💙
​
*每人每日限換領乙次，款式隨機派發。數量有限，先到先得，換完即止。如有任何爭議，九巴保留最終決定權。
​
#九巴 #九巴仔 #尖沙咀 #美麗華廣場 #限時打卡 #驚喜禮物 #漫遊日記磁石 #數量有限 #額滿即止 #周末好去處 #浪漫約會

19/05/2026

【九巴仔 x Hangyodon來寄一封有溫度的明信片📮】

浪漫，有時唔係即時分享，而係隔住距離，都仲想將眼前嘅風景送畀你。今日九巴仔帶 Hangyodon 搭 HK1 去油麻地，將甜蜜浪漫時刻永久保存。

📍 第四站：九龍中央郵政局
喺呢座充滿歷史感嘅建築，親手寫張充滿溫度嘅明信片，將呢幾日喺香港嘅見聞同快樂寄出去💌！

💡 Travel Tips：
搭 HK1 於「油麻地文明里」落車行 2 分鐘即達，沿途可以喺上層欣賞彌敦道兩旁嘅舊區風貌，最有懷舊浪漫氣息！

大家又想我嚟緊帶 Hangyodon 去邊度浪漫打卡呢😎？

#九巴 #九巴仔 #觀光巴士 #九龍中央郵政局 #油麻地 #手寫嘅信係最浪漫嘅手信 #將快樂寄俾你 #寄張明信片分享快樂 #有溫度嘅浪漫