20/07/2026
ຊົມເຊີຍວັນສ້າງຕັ້ງສະຫະພັນແມ່ຍິງລາວ ຄົບຮອບ 71ປີ ຢ່າງສຸດໃຈ! 🇱🇦👏🏻🎉 ກັບບົດຄວາມທີ່ແສນປະທັບໃຈ ຈາກທ່ານປະທານຂອງພວກເຮົາ, ທ່ານນາງ ດຣ ຄັດທະຈັນ ຈັນທະບູຣີ ❤️💚
ບໍລິສັດ ຮຸ່ງເຮືອງລາວ ໂລເຈັສຕິກ ຈຳກັດຜູ້ດຽວ (HHL) ເຕີບໃຫຍ່ຍ້ອນຜູ້ກໍ່ຕັ້ງຊື່ງແມ່ນ ປະທານຍິງຜູ້ທີມີຄວາມສາມາດຮອບດ້ານໃນການນຳພາບໍລິສັດ
ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວ ວັນທີ່ : 20 ກໍລະກົດ 1955-2026ຄົບຮອບ 71ປີ).
ປະຈຸບັນ, ບົດບາດຂອງແມ່ຍິງລາວ ນັບມື້ສູງເດັ່ນໄປຄຽງຄູ່ກັບເພດຊາຍ ໃນທຸກຂົງເຂດວຽກງານ ທັງເວທີພາຍໃນ, ພາກພື້ນ ແລະ ສາກົນ, ແມ່ຍິງລາວ ຫລາຍທ່ານ ໄດ້ພັດທະນາຕົນເອງໃຫ້ມີຄວາມຮູ້ຄວາມສາມາດໃນຫລາຍດ້ານ ເຊັ່ນ: ທ່ານ ນາງ ຄັດທະຈັນ ຈັນທະບູລີ ປະທານບໍລິສັດຮຸ່ງເຮືອງລາວ ໂລເຈັສຕິກ ຈຳກັດຜູ້ດຽວ ນັກທຸລະກິດຍິງລາວຍຸກໃໝ່ ລະດັບແຖວໜ້າປະເທດລາວ ຫຼາຍທ່ານເຄີຍຮູ້ຈັກດີໃນວົງການນັກທຸລະກິດລາວ ທີ່ເພິ່ນມີຄວາມຮູ້ຄວາມສາມາດບໍລິຫານທຸລະກິດ ທຽບເທົ່າສາກົນ. ທີ່ມີອຸດົມການບໍລິຫານທຸລະກິດ ແລະ ຄຽງຄູ່ວັດທະນະ ທຳອັນດີງາມຂອງລາວ..
ທ່ານ ນາງ ຄັດທະຈັນ ຈັນທະບູລີ, ປະທານບໍລິສັດຮຸ່ງເຮືອງລາວ ໂລເຈັສຕິກ ຈຳກັດຜູ້ດຽວ ( ຊຶ່ງຮູ້ຈັກກັນດີໃນນາມ HHL ) ເປັນນັກທຸລະກິດລາວຍິງຍຸກໃໝ່ທີ່ມີການພັດທະນາໃນການດຳເນິນທຸລະກິດຂື້ນໄປເລື້ອຍໆ ແລະ ເປັນຜູ້ນຳພາບໍລິສັດສູ່ຄວາມສຳເລັດໃນດ້ານທຸລະກິດຫຼາຍຢ່າງ, ໂດຍມີວິໄສທັດ ຂອງ ບໍລິສັດ ຄື : "HHL ຈະເຊື່ອມໂຍງປະເທດລາວສູ່ໂລກສາກົນ ( HHL connects Laos to the World )", ເຊິ່ງພວກເຮົາມີທີມງານທີ່ມີຄຸນນະພາບ, ໄດ້ຮັບການຮັບຮອງ, ການTraining ການຮຽນຮູ້, ປະສົບການ ແລະ ຄວາມສາມັກຄີເປັນໜຶ່ງດຽວກັນ, ຊຶ່ງເປັນເປົ້າຫມາຍທີ່ເຮົາໃຊ້ໃນການບໍລິຫານໃນອົງກອນໃຫ້ມີປະສິດທິພາບຍິ່ງຂຶ້ນໄປ.
ທ່ານ ນາງ ຄັດທະຈັນ ຈັນທະບູລີ ເປັນຜູ້ກໍ່ຕັ້ງ ແລະ ປະທານບໍລິສັດຮຸ່ງເຮືອງ ລາວໂລເຈັສຕິກ ຈໍາກັດ ທີ່ເປັນບໍລິສັດຂອງຄົນລາວ 100%, ພາຍໃຕ້ການເປັນ ປະທານ ແລະ ນຳພາຂອງທ່ານ ໃນການດໍາເນີນທຸລະກິດດ້ານໂລເຈັສຕິກ, ໂດຍໃຫ້ບໍລິການອາຄານສາງສິນຄ້າລະຫວ່າງປະເທດ ທີ່ສະຫນາມບິນສາກົນວັດໄຕ (HHL International Cargo Terminal), ຂົນສົ່ງສິນຄ້າທາງອາກາດ, ທາງບົກ ທັງພາຍໃນ ແລະຕ່າງປະເທດ, ການບໍລິການຫຸ້ມຫໍ່ສິນຄ້າ ແລະ ການບໍລິການເອກະສານ ນໍາເຂົ້າ-ສົ່ງອອກ, ເຊິ່ງຫົວໃຈສໍາຄັນຄື ການບໍລິການແມ່ນໃຫ້ທັນຕາມຄວາມຕ້ອງການຂອງລູກຄ້າ ແລະ ໃສ່ໃຈທຸກຂັ້ນຕອນຈົນເປັນທີ່ຍອມຮັບຂອງສາກົນ.
ທ່ານຍັງໃຫ້ຮູ້ອີກວ່າ: ການຂົນສົ່ງສິນຄ້າທາງອາກາດແມ່ນຂົນສົ່ງທີ່ບໍ່ມີຂອບເຂດ ແລະ ບໍ່ມີການຈຳກັດ, ຂ້າພະເຈົ້າຢາກພັດທະນາປະເທດລາວ ທີ່ເປັນ ປະເທດ land-lock ໃຫ້ຫັນໄປສູ່ air-link, ແລະ ບໍລິສັດ HHL ຂອງພວກເຮົາຍັງສາມາດຕອບໂຈດຄວາມຕ້ອງການຂອງລູກຄ້າທີ່ຫຼາກຫຼາຍ, ບໍ່ວ່າຈະເປັນສິນຄ້າສົ່ງດ່ວນ, ສິນຄ້າມູນຄ່າສູງ, ສິນຄ້າຮັກສາອຸນຫະພູມ, ສິນຄ້າອັນຕະລາຍ ແລະ ອື່ນໆ, ເພື່ອໃຫ້ສິນຄ້າໄປເຖິງມືລູກຄ້າດ້ວຍຄວາມວ່ອງໄວ ແລະ ປອດໄພສູງ.
ສຸດທ້າຍນີ້ ຂ້າພະເຈົ້າຂໍອວຍພອນໄຊອັນປະເສີດມາຍັງການນໍາພັກ-ລັດ ຈົ່ງມີສຸຂະພາບແລະພະລານາໄມເຂັ້ມແຂງ ສືບຕໍ່ນໍາພາປະເທດຊາດໄປເຖິງຈຸດໝາຍແຫ່ງສັງຄົມນິຍົມຕາມເປົ້າໝາຍທີ່ຕັ້ງໄວ້. ຂໍອວຍໄຊໃຫ້ພອນມາຍັງພະນັກງານ, ທະຫານ, ຕໍາຫຼວດ ແລະ ພີ່ນ້ອງຮ່ວມເຊື້ອຊາດລາວເຮົາທຸກຊົນເຜົ່າ ທັງພາຍໃນ ແລະ ຕ່າງປະເທດ ທີ່ຮັກແພງ ຈົ່ງປະສົບແຕ່ຄວາມສຸກຄວາມຈະເລີນ ກ້າວໜ້າໃນວຽກງານຂອງແຕ່ລະທ່ານດ້ວຍຄວາມຜາສຸກສະບາຍດີຕະຫຼອດໄປ.
---
ຂ່າວ: ບຸນນິກ ມະນີ
ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ
