ZTaxi2013

12/09/2026

ZTaxi للأمان عنوان 🚖❤️🇱🇧

30/08/2026

صباحٌ جميلٌ كجمال قلوبكم 🤍
ويومٌ سعيدٌ يزيّن محيّاكم،
ويرسم الفرح والابتسامة على وجوهكم.
صباح الخير لكل قلبٍ جميل 🌷

29/08/2026

من أجمل الرحلات بالنسبة إلي، هي الرحلة اللي بحس فيها إن الزبون ما عاد يعتبرني مجرد شوفير… بل فرد من العائلة.

لأن في ناس بتفتّش على سيارة توصلها من مكان لمكان، وفي ناس بتكون عم تفتّش على شخص تثق فيه… شخص تسلّمه وقتها، وأمانها، وذكرياتها ببلدها.

الأسبوع الماضي، كان إلي الحظ رافق مجموعة من اللبنانيين القادمين من أميركا في جولة بين مناطق لبنان. ومع مرور الوقت، ما عدنا عم حس إنه بزنس وزبائن… صرنا نضحك، ناكل، نمشي ونكتشف لبنان سوا.

هون الشغل بيبطل مجرد شغل.

هون بيدخل حب العطاء، وبتصير سعادة الناس ورضاهم أهم من أي شيء. لأن أجمل شعور بالنسبة إلي هو إن الشخص يرجع على أميركا، أو أي بلد بالعالم، ويبقى معه شيء من لبنان… ذكرى حلوة، موقف جميل، أو لحظة عاشها خلال الرحلة.

يمكن الصور ما كانت للنشر على السوشيل ميديا، لأن خصوصيتهم إلهم، وأنا بحترم هالشي.
لكن من باب الامتنان للجهد والمحبة اللي كانت بيناتنا، شاركوني صورة من كل منطقة زرناها سوا… وسمحولي شاركها معكم اليوم.

وهيدا بالنسبة إلي أكبر من مجرد صور.
هيدي ذكرى… وثقة… ومحبة.

وشكرًا لكل شخص بيختارني مش بس لكون معه على الطريق،
بل جزء من رحلته وذكرياته بلبنان.

19/08/2026