https://www.facebook.com/1015969745156501/

Bao Bao Xiao, ---, Yangon (2026)

08/08/2026

မိခင်နှင့် မွေးကင်းစကလေးအတွက် လက်ဆောင်ပေးသည့် ချစ်စရာ ဓလေ့ ယဉ်ကျေးမှု — အမေရိကနှင့် မြန်မာနိုင်ငံ ကွာခြားမှု

အမေရိကမှာဖြစ်ဖြစ် မြန်မာမှာ ဖြစ်ဖြစ် ကိုယ်ဝန်ရှိလာတဲ့အချိန်ကစပြီး မိခင်လောင်းနဲ့ ကလေးအတွက် လက်ဆောင်ပေးတဲ့ culture တွေကတော့နိုင်ငံသာကွာပေမဲ့ ဒီယဉ်ကျေးမှုကတော့အားလုံးအတူတူပါပဲ🤍

USမှာကျတော့ အထူးသဖြင့် Baby Shower, Gender Reveal, ပွဲများမှတဆင့်ပေးခြင်း နဲ့ Mommy တို့ရဲ့ Baby Registry လုပ်ထားတဲ့ application ထဲကနေ တဆင့် family, friends, coworkers တွေက baby necessities တွေဖြစ်တဲ့ diapers, clothes, stroller, car seat, breast pumps စတာတွေကို gift ပေးလေ့ရှိကြပါတယ်။

Mommy အတွက်လည်း postpartum recovery items, self-care gifts, flowers, meal delivery gift cards စတာတွေ ပေးတတ်ကြပါတယ်။
“It takes a village to raise a child” ဆိုတဲ့ culture မျိုးနဲ့ mom ကိုပါ support လုပ်ပေးကြတာမျိုးပါ။

မြန်မာနိုင်ငံမှာတော့ ကိုယ်ဝန်ဆောင်မိခင်ကို ဂရုစိုက်တဲ့အနေနဲ့ အာဟာရဖြစ်တဲ့အစားအသောက်တွေ၊ အသုံးအဆောင်တွေ၊ ရွှေ၊ ငွေ၊ ကလေးအဝတ်အစားလေးတွေ ကို ကလေးမွေးပြီး ဆေးရုံကိုလူနာသွားကြည့်တဲ့အခါကျမှ လက်ဆောင်ယူသွားပြီး ပေးတတ်ကြပါတယ် 🤍

ကလေးမွေးပြီးမှ သွားကြည့်တဲ့အခါ “ကလေးလာကြည့်ခြင်း” ဆိုတဲ့သဘောနဲ့ လက်ဆောင်၊ မုန့်ဖိုး၊ ရွှေဆွဲကြိုး၊ လက်ကောက် စတာတွေ ပေးကြတာများပါတယ်။

အမေရိကမှာတော့ ကလေးမမွေးခင်ထဲက ကြိုပေးကြတော့ (registry ထဲကလိုအပ်တာတွေကိုဝယ်ပေးကြတာ) မိဘတွေက တချို့ပစ္စည်းတွေဆို ဝယ်ဖို့မလိုတော့ အကုန်အကျ သက်သာတယ် ပြီးတော့ လက်ဆောင်တွေလဲ ထပ်မနေတော့ဘူးပေါ့နော်

မြန်မာရဲ့ Culture မှာတော့ မွေးပြီးမှပေးတာဆိုတော့ တခါတလေ တော့ ပစ္စည်းထပ်တာလေး တွေ ရှိတတ်ပေမဲ့ ကလေးအတွက်ကျတော့မြန်မာပြည်ကပေးတဲ့ လက်ဆောင်လေးတွေက တန်ဖိုးရှိတာတွေပိုများပါတယ် 💛
ဥပမာ အဖိုးအဖွားတွေဆို ရွှေတွေပေးတတ်ကြတယ်လေ 😁

နှစ်မျိုးလုံးရဲ့ Culture လေးတွေက ချစ်ဖို့အကုန်ကောင်းပါတယ်
ဒါလေးကတော့ Culture difference လေးကို experiences sharing ပေးလုပ်ပေးတာပါ

Bao Bao လေးကိုတော့ Daddy ဝေမင်းရုံးကနေbaby shower ပွဲလေး စီစဉ်ပေးတဲ့အတွက် အဲ့ပွဲလေးကို နှစ်ယောက်သား ဘဝရဲ့ပထမဆုံး Baby Shower ပွဲလေးတတ်ဖူးသွားတယ် 🥳🥳

Note: Baby Registry ကတော့ California က Daddy ဝေမင်းရဲ့ သူငယ်ချင်း Eddy Yeyint Wayne advise and recommend ပေးလို့ Target နဲ့ Amazon မှာ Baby Registry လုပ်ထားလိုက်တယ်
အဲ့ဒီ registry မှာပါတဲ့ list ထဲက ပစ္စည်း လေးတွေကိုပဲ အသိတွေက Present လေးတွေဝယ်ပေးကြပါတယ်. Target နဲ့ Amazon မှာ baby registry လုပ်ပြီး ဝယ်တဲ့အခါ သူတိူ့က Welcome Box / Welcome Kit လေးတွေလဲ ပေးတဲ့အပြင် 15% discount လဲပေးသေးတယ် ကိုယ်တွေ ကတော့ Bao Bao အတွက်လိုချင်တာတွေက တချို့က Target မှာပဲရှိပြီး တချို့က Amazon မှာ ရှိတဲ့အတွက် Baby Registry ကို ၂ ခု ခွဲဲပြီး ဝယ်လိုက်ရတယ် 😁 အဲ့တော့ discount က အများကြီးမရပေမဲ့ ၂ခုလုံးဆီက Welcome Box/Welcome Kit တော့ရလိူက်တယ် 😁😁

02/08/2026

How to get free breast pumps through insurance 🤱🍼

Free Breast Pumps ကို Insurance ကနေ ဘယ်လိုအလကားယူခဲ့လဲ?

တစ်ခုခုဆို record လုပ်ထားရတာကြိုက်တဲ့သူဖြစ်တဲ့ ကိုယ့်အတွက် ကိုယ်ဝန်စရှိကတည်းက What to Expect App ကို စသုံးဖြစ်ခဲ့ပါတယ်။ ဒါလည်း သူငယ်ချင်းတစ်ယောက်က “What to Expect” စာအုပ်လက်ဆောင်ပေးတာကနေ App ရှိမရှိလိုက်ရှာရင်းတွေ့ပြီး download ချသုံးဖြစ်တာပါ။

App သုံးရင်း Insurance ကနေ free breast pump ယူလို့ရတယ်ဆိုတဲ့ ads တွေတွေ့လာတယ်။ Facebook မှာလည်း ဆက်တိုက် ads တွေတက်လာတော့ စိတ်ဝင်စားသွားပြီး သူတို့ပေးထားတဲ့ link ကနေ Insurance information တွေထည့်ပြီး eligible ဖြစ်မဖြစ်စစ်ကြည့်လိုက်ပါတယ်။

ကံကောင်းတာက breast pump coverage eligible ဖြစ်နေပါတယ် 🤍

ဒါနဲ့ သူငယ်ချင်း recommend ပေးထားပြီး ကိုယ်တိုင်လည်း review တွေသေချာဖတ်ထားတဲ့ Momcozy M6 Hands-Free Breast Pump ကိုရွေးလိုက်ပါတယ်။

Brand တော်တော်များများက completely free ဖြစ်ပေမယ့် Momcozy ရဲ့ newer models တွေဖြစ်တဲ့ M5 ကနေ Air model အထိကတော့ upgrade fee အနည်းငယ်ထပ်ပေးရပါတယ်။

Website မှာ original price ကို $229.99 လို့ပြထားပြီး ကိုယ်ကတော့ $39.95 ထပ်ပေးပြီး upgrade လုပ်ယူခဲ့ပါတယ်။

ဒါတင်မကသေးပဲ Breast Milk Storage Bags (100 bags × 4 boxes) ကိုလည်း free ထပ်ရပါသေးတယ် 🍼

Tuesday နေ့ register လုပ်တာ Friday မှာ delivery fee မပေးရပဲ အိမ်ရှေ့အထိလာပို့ပေးပါတယ်။

ပြီးတော့ baby နဲ့ပတ်သက်တဲ့ online classes တွေလည်း free တက်လို့ရပြီး breast pump replacement parts တွေကိုတော့ baby မွေးပြီးမှ reminder email တွေပို့ပေးမယ်လို့လည်း ပြောထားပါတယ်။

ဒါကတော့ Insurance ကနေ free breast pump ယူခဲ့တဲ့ ကိုယ့် experience လေးပါ 🤍

First-time moms တွေအတွက် free breast pump ဘယ်လိုယူလို့ရလဲဆိုတာ စိတ်ဝင်စားရင် ဒီ links တွေကနေစစ်ကြည့်လို့ရပါတယ်👇

• Aeroflow Breast Pumps
• Edgepark Breast Pumps
• Byram Healthcare Breast Pumps

ကိုယ်ကတော့ Aeroflow Breast Pumps ကနေ ယူခဲ့တာပါ 💛

Disclaimer: The information shared above is based solely on my personal experience. Insurance coverage, eligibility, available breast pump models, upgrade fees, and ordering processes may vary depending on your insurance plan, provider, supplier, and state. Please check directly with your insurance company and the supplier website for the most accurate and updated information
🤍

14/07/2026

အမေရိကားတွင် ကိုယ်ဝန်အပ်ခြင်း အတွေ့အကြုံ - 6

ကိုယ်ဝန် အပတ် ၃၆ ပတ်ပြည့်တဲ့ Appointment မှာတော့ ကလေးရဲ့ Position ကိုကြည့်တဲ့ Ultrasound ကြည့်ရပါတယ် အဲ့အချိန်မှာ ကလေး ခေါင်းစိုက်မစိုက်ရယ် ကလေး weight (lb or kg) ရယ် ပြီးတော့ ၃၅ ပတ်တုန်းက စစ်ခဲ့တဲ့ GBS ရဲ့ result (Positive or Negative) ကို ပြန်ရှင်းပြပေးပါတယ်
36 ပတ်ဖြစ်နေပြီဖြစ်တဲ့အတွက် Hospital bag ပြင်ဖို့ကိုလဲ Recommend ပေးပါတယ်
အဲ့တာအပြင် မွေးလမ်းကြောင်းမှာ ပိုးရှိမရှိသိဖို့အတွက် ပုံမှန် အတိုင်းပဲ Urine sample ထားခဲ့ခိုင်းပြီး result သိရတဲ့အခါမှာ တော့ Patient potal မှာ upload လုပ်ပေးပါတယ်

ကိုယ်ဝန်အပတ် ၃၇ ပတ်မှာတော့ ဘာ complain ရှိလဲ မေးတော့ ကိုယ်က False Contraction / Braxton Hicks Contractions ရတဲ့အကြောင်းပြောတော့ Early term ဖြစ်နေပြီးဖြစ်တဲ့အတွက် OB/GYN ကနေ Cervical Exam အခြေအနေ စစ်တဲ့

Dilation (သားအိမ်ခေါင်းပွင့်မပွင့်) – How open is the cervix? (0–10 cm)
Effacement (သားအိမ်နံရံ ဘယ်လောက်ထိပါးနေပြီလဲ) – How thin is the cervix? (0–100%)
Station (ကလေးခေါင်းအောက်ဆင်းနေပြီလား)– How low the baby’s head is in the pelvis
ဒါတွေကို စစ်ဆေးပေးပါတယ် စစ်တဲ့အချိန် နာလားလို့မေးရင်တော့ သားအိမ်ခေါင်းအထိနှိုက်တာ 1 cm dilated နဲ့ 0% efface ပဲဖြစ်သေးတဲ့အတွက် နည်းနည်းနေရခက်သလိုရှိတယ်ပဲပြောရမယ်

ဒါပြီးတာနဲ့ False Contraction and Real Contraction ကိုသေချာရှင်းပြပေးပြီး Next week appointment ချိန်းပေးလိုက်ပါတယ်

11/07/2026

အမေရိကားတွင် ကိုယ်ဝန်အပ်ခြင်းအတွေ့အကြုံ - 5

👶🦠 Group B Streptococcus (GBS) Screening ?

ကိုယ်ဝန် 35 weeks appointment မှာတော့ မွေးလမ်းကြောင်းပိုးရှိမရှိကိုစစ်တဲ့ Group B Streptococcus (GBS) Screening test လုပ်ပါတယ်၊ ဘာကြောင့်လဲဆိုတော့ ကိုယ်ဝန်ဆောင်မိခင်တွေထဲက ၄ ယောက်မှာ ၁ ယောက် (၂၀–၃၀%) လောက်က GBS positive ဖြစ်နေနိုင်တဲ့အတွက်ပါတဲ့ မွေးလမ်းကြောင်းမှာ ဒီ ပိုးရှိနေရင် မိခင်အတွက် ဘာ ပြဿနာမဖြစ်ပေမယ့်၊ မွေးဖွားချိန်မှာတော့ မွေးလမ်းကြောင်းက ဆင်းလာမယ့် ကလေးဆီကို ကူးစက်နိုင်ပါတယ်။

မွေးကင်းစကလေး ဒီပိုးကူးစပ်ခံရရင် -
🫁 အဆုတ်ရောင်ရောဂါ (Pneumonia)
🩸 သွေးတွင်းပိုးဝင်ခြင်း (Sepsis)
🧠 ဦးနှောက်အမြှေးရောင်ခြင်း (Meningitis)
တွေဖြစ်နိုင်ပါတယ် ဒါပေမယ့် စစ်ဆေးပြီး positive ဖြစ်နေရင်လဲ ကလေးကိုမကူးအောင်ကုသလို့ရတဲ့အတွက်စိတ်ပးစရာမရှိပါဘူးလို့ဆရာဝန်က ရှင်းပြပေးပါတယ်။

ပုံမှန်ကတော့ ကိုယ်ဝန် 36 weeks to 37 weeks အတွင်း GBS Screening ကို ပုံမှန်လုပ်ပေးပေမဲ့ 36 weeks မှာ ကလေးရဲ့ position ကြည့်မယ့် Ultrasound appointment ရှိနေတဲ့အတွက် ကိုယ့်ကိုတော့ 35 weeks မှာစစ်ပါတယ်

GBS Test ကို ဆရာဝန် သို့မဟုတ် Nurse ကပိုးသတ်ထားတဲ့ Cotton Swab (ဂွမ်းတံ) ကို အသုံးပြုပြီး Va**na အောက်ပိုင်း နဲ့ပွတ်ယူပြီး
နမူနာယူပါတယ်။ကြာချိန်ကတော့ ၁ မိနစ်လောက်ပါပဲ swab test လုပ်နေတဲ့အချိန် နည်းနည်း မသက်မသာ ဖြစ်တာကလွှဲရင် နာကျင်မှုလုံးဝမရှိပါဘူး။

အကယ်၍ result က Positive ဖြစ်တယ်ဆိုရင်
မွေးဖွားချိန် ရောက်တဲ့အခါ IV Antibiotic ကိုပေးမယ်ပြောပါတယ်
ဒီလိုပေးခြင်းအားဖြင့် ကလေးဆီ GBS ကူးစက်နိုင်ခြေကို အလွန်လျော့နည်းနိုင်တယ်လို့လဲ ရှင်းပြပေးပါတယ်။

💡Result က negative ဆိုရင်တော့ကုသဖို့ မလိုအပ်ပါဘူး။

GBS ဟာ အချိန်နဲ့အမျှ ရှိလိုက် မရှိလိုက် ဖြစ်နိုင်တဲ့အတွက် မွေးဖွားဖို့ အနီးဆုံးအချိန်ဖြစ်တဲ့ ၃၆–၃၇ ပတ် မှာ စစ်တာက အတိကျဆုံးဖြစ်
တယ်လို့လဲ ပြောပြပါတယ်

GBS positive ဖြစ်ခြင်းဟာ -

❌ တစ်ကိုယ်ရေသန့်ရှင်းမှု မရှိလို့
❌ လိင်ဆက်ဆံလို့
❌ လိင်မှတစ်ဆင့် ကူးစက်တဲ့ရောဂါ (STD/STI)
❌ အစားအသောက်မှားလို့ လုံးဝ မဟုတ်ပါဘူး

လူအများစုမှာ သဘာဝအတိုင်း ရှိနေနိုင်တဲ့ ဘက်တီးရီးယားတစ်မျိုးသာ ဖြစ်ပါတယ်။

ဒါကြောင့် GBS Screening ရဲ့ အဓိကရည်ရွယ်ချက်က မိခင်ကို ကုသဖို့ထက် မွေးကင်းစကလေးကို GBS ကူးစက်မှုကနေ ကာကွယ်ဖို့ ဖြစ်ပါတယ်။ 🤍👶

Disclaimer: I am not a healthcare professional. The information shared here is based on my own personal experience and is for informational purposes only. Please follow the advice and guidance of your doctor or healthcare provider regarding your pregnancy and health. 🤍

09/07/2026

အမေရိကားတွင် ကိုယ်ဝန်အပ်ခြင်းအတွေ့အကြုံ - 4

Why pregnant mom should get Tdap vaccine (မေးခိုင်ကာကွယ်ဆေး) and RSV vaccine (အသက်ရှုလမ်းကြောင်းနဲ့အဆုတ်ရောဂါ ကာကွယ်ဆေး) after 32 weeks 💉💉

🤱 Tdap Vaccine (ကိုယ်ဝန် 27–36 ပတ်အတွင်း)

Tdap Vaccine က ဒီ ရောဂါ ၃ မျိုးကို ကာကွယ်ပေးပါတယ်။
-Tetanus (မေးခိုင်ရောဂါ)
-Diphtheria (ဆုံဆို့နာရောဂါ)
-Pertussis (ကြက်ညှာချောင်းဆိုးရောဂါ / Whooping Cough)

ကိုယ်ဝန်တတိယသုံးလပတ် (Third Trimester) အတွင်း Tdap Vaccine ထိုးလိုက်တဲ့အခါ မိခင်ခန္ဓာကိုယ်က Antibody တွေ ထုတ်လုပ်ပေးပါတယ်။
အဲဒီ Antibody တွေက Placenta ကနေတစ်ဆင့် ကလေးဆီကို ရောက်ရှိသွားပြီး 👶 မွေးပြီး ပထမလအနည်းငယ်အတွင်း ကြက်ညှာချောင်းဆိုးရောဂါ (Whooping Cough) ကို ကာကွယ်ပေးနိုင်ပါတယ်။
ကလေးဟာ မွေးပြီးချင်း Tdap Vaccine ထိုးလို့မရသေးတဲ့အတွက် မိခင်ဆီက ရရှိတဲ့ Antibody တွေကသာ ကလေးအတွက် အရေးကြီးတဲ့ ကာကွယ်မှုဖြစ်ပါတယ်။
ဆရာဝန်အများစုက 27–36 ပတ်အတွင်း ထိုးဖို့ အကြံပြုပြီး၊ အထူးသဖြင့် 28–32 ပတ်ဝန်းကျင် ကို ပိုသင့်တော်တယ်လို့ ယူဆကြတဲ့အတွက် အဲ့အချိန်မှထိုးဖို့ ညွှန်ကြားပါတယ်။
ဒါမှ Antibody တွေ လုံလောက်စွာ ဖွဲ့စည်းနိုင်ပြီး ကလေးဆီကို ကောင်းကောင်းလွှဲပြောင်းပေးနိုင်မှာ ဖြစ်ပါတယ်။

👶 RSV Vaccine (ကိုယ်ဝန် 32–36 ပတ်အတွင်း)

RSV (Respiratory Syncytial Virus) ဆိုတာ မွေးကင်းစကလေးငယ်တွေနဲ့ ကလေးငယ်လေးတွေမှာ ပြင်းထန်တဲ့ အသက်ရှူလမ်းကြောင်းနှင့် အဆုတ်ရောဂါ ဖြစ်စေနိုင်တဲ့ Virus တစ်မျိုး ဖြစ်ပါတယ်။
RSV Vaccine ထိုးလိုက်တဲ့အခါ မိခင်ခန္ဓာကိုယ်က RSV ကို တိုက်ဖျက်နိုင်တဲ့ Antibody တွေ ထုတ်လုပ်ပေးပါတယ်။
အဲ့ဒီ Antibody တွေက Placenta ကနေ တဆင့် ကလေးဆီကို ရောက်ရှိသွားပြီး မွေးပြီးနောက် RSV ရောဂါကူးစက်မှုဖြစ်လာခဲ့ရင် ပြင်းထန်မှုကို လျော့နည်းစေဖို့ ကူညီပေးပါတယ်။

32–36 ပတ် ဆိုတဲ့ အချိန်က ကလေးမမွေးခင် Antibody အများဆုံး လွှဲပြောင်းပေးနိုင်တဲ့ အချိန်ဖြစ်တဲ့အတွက် ဒီကာလ မှာ ကာကွယ်ဆေးထိုးဖို့ အသင့်တော်ဆုံးပါ။

📌 ဒီ Vaccine နှစ်မျိုးကို ထိုးတာက မိခင်ကို ကာကွယ်ဖို့ထက် မွေးလာမယ့် ကလေးကို ပထမလအနည်းငယ်အတွင်း ရောဂါကာကွယ်ပေးဖို့ အဓိက ရည်ရွယ်တာ ဖြစ်တဲ့အတွက် ကိုယ်နေတဲ့နိုင်ငံမှာ ဒီဆေးတွေ ရတယ်ဆို Third-Trimester ရောက်တာနဲ့ ကိုယ့်ကလေးကို ကာကွယ်ဖို့ ထိုးထားသင့်ပါတယ် 🤍👶🍼

34 weeks appointment မှာ ကိုယ့်ကို ဒီဆေးတွေထိုးဖို့ညွှန်းကြားတော့ မေးခွန်းများတဲ့ မိမိက ဘာလို့ထိုးရတာလဲနဲ့ ဘာ့ကြောင့်အစောပိုင်းကမထိုးခိုင်းတာလဲ မေးတော့ သူရှင်းပြတာလေးတွေ ကြောင့်အသေးစိတ် သေချာလေးသိခဲ့ရပြီး ကလေးအတွက်အကျိူးရှိတာ သိခဲ့ရပါတယ် ။

🩹US မှာတော့ ဘယ် CVS မှာမဆို ထိုးလို့ရပြီး ကိုယ့် Insurance types ပေါ်မူတည်ပြီး ကွာခြားမယ်ထင်ပါတယ်။ Tdap က မိခင်ထိုးပြီးသားဖြစ်လဲ ကလေးတစ်ယောက်မွေးရင် ကလေးအတွက် တခါပြန်ထိုးရတာ ဖြစ်တဲ့အတွက်
ဗိုက်တခါကြီးတိုင်း တခါပြန်ထိုးထိုးနေရမှာပါ

Disclaimer: I am not a healthcare professional. The information shared here is based on my own personal experience and is for informational purposes only. Please follow the advice and
guidance of your doctor or healthcare provider regarding your pregnancy and health. 🤍

05/07/2026

အမေရိကားတွင် ကိုယ်ဝန်အပ်ခြင်းအတွေ့အကြုံ - 3

March 6 ဆေးခန်းသွားတဲ့နေ့မှာတော့ ပထမဆုံး ဆီး sample ယူပြီး Alcohol / Drug monitor, ဆီးရဲ့ pH level နဲ့ မွေးလမ်းကြောင်းပိုးရှိမရှိတွေကို စစ်ဆေးပါတယ်။

အဲ့ဒီအချိန်မှာ ကိုယ်ဝန်အပတ် ၂၀ ပြည့်ခါနီးဖြစ်နေပြီဆိုတော့ ကလေးရဲ့ ကိုယ်တွင်းအင်္ဂါစုံမစုံကို အသေးစိတ်စစ်ဆေးတဲ့ Detail Ultrasound (Anatomy Scan / Mid-pregnancy Ultrasound) ရိုက်ဖို့ ထပ်ပြီး refer လုပ်ပေးပါတယ်။

Detail Ultrasound ရိုက်တဲ့နေ့မှာတော့ Ultrasound ဆရာဝန်မလာခင် Assistant က အရင်စစ်ဆေးပေးပါတယ်။ စစ်ဆေးတဲ့အရာတွေကတော့ —

• Baby’s heartbeat ❤️
• Baby’s size and growth
• Baby’s position
• Number of babies (single/twins)

ပြီးတော့ Baby’s organs and body structures ကိုလည်း အသေးစိတ်စစ်ဆေးပါတယ် —

• Brain and head
• Face and lips (cleft lip ရှိမရှိ)
• Spine
• Heart (4 chambers, blood flow, heartbeat rhythm)
• Lungs
• Stomach
• Kidneys
• Bladder
• Arms, hands, fingers
• Legs, feet, toes

ဒါ့အပြင် Pregnancy-related things တွေဖြစ်တဲ့ —

• Placenta location
• Umbilical cord
• Amniotic fluid amount
• Cervix length (preterm birth risk အတွက် အရေးကြီး)

စတာတွေကိုလည်း စစ်ဆေးပေးပါတယ်။

အကုန်လုံးကို detail scan ရိုက်ပြီး Assistant က တစ်ခုပြီးတစ်ခု ရှင်းပြပေးပါတယ်။ ပြီးမှ Ultrasound ဆရာဝန်က အခန်းထဲဝင်လာပြီး Result တွေကို ထပ်ရှင်းပြပေးကာ နောက် ၁၀ ပတ်လောက်နေရင် ပြန်လာစစ်ဖို့ appointment ထပ်ချိန်းပေးပါတယ်။

OB/GYN နဲ့ April appointment မှာတော့ ဆီး sample ပေးရတာကလွဲပြီး ထူးထူးခြားခြား စစ်ဆေးစရာမရှိပါဘူး။ အဲ့ဒီအချိန်မှာ ကိုယ်ဝန် ၂၆ ပတ်ထဲ ဝင်လာပြီဖြစ်တဲ့အတွက် Gestational Glucose, Hepatitis B & C, Syphilis စတာတွေကို ထပ်ပြီး blood test စစ်ပါတယ်။ Result တွေကိုလည်း Patient Portal ထဲမှာ ကိုယ်တိုင်ဝင်ကြည့်လို့ရပါတယ်။

Gestational Glucose (Gestational Diabetes) စစ်တဲ့အချိန်မှာတော့ fasting လုပ်မလုပ်က patient ရဲ့ decision ပေါ်မူတည်ပါတယ်။ ကိုယ်ကတော့ အတိအကျ သိချင်လို့ fasting လုပ်ခဲ့ပါတယ်။

မနက်စောစော appointment ယူထားတာကြောင့် ည ၉ နာရီကစပြီး ဘာမှမစားတော့ဘဲ မနက် ၆ နာရီမှာ သွေးထုတ်ရမယ့် clinic ကို သွားပါတယ်။ ရောက်တာနဲ့ Laboratory ဝန်ထမ်းရှေ့မှာ သူတို့ပေးတဲ့ Glucose drink ကို အကုန်သောက်ရပါတယ်။ သောက်ပြီးတဲ့အချိန်ကစပြီး တစ်နာရီတိတိပြည့်မှ ပြန်လာဖို့ ပြောပြီး သွေးထုတ်ပါတယ်။ တစ်နာရီပြည့်တော့ သွေးထုတ်ပြီး စစ်တာအကုန် ပြီးသွားပါတယ်။

သွေးစစ်ပြီး ၃ ရက်လောက်နေရင် Result ကို Patient Portal မှာ ကြည့်လို့ရပါတယ်။ နောက်တစ်ခါ ဆရာဝန်နဲ့ appointment ပြန်သွားတဲ့အခါမှာတော့ ဆရာဝန်က Diabetes result က ကောင်းတယ်လို့ ရှင်းပြပေးပြီး တစ်လတစ်ခေါက် follow-up ပြရာကနေ ၂ ပတ်တစ်ခေါက် ပြန်ချိန်းပေးခဲ့ပါတယ်။

Disclaimer:
The information above is based solely on personal pregnancy care experiences in the states of Maryland and Florida, as well as insurance coverage. Procedures, policies, and experiences may vary slightly depending on different states, cities, hospitals, and insurance providers.

02/07/2026

အမေရိကားတွင် ကိုယ်ဝန်အပ်ခြင်းအတွေ့အကြုံ - 2

Maryland မှာ ဆေးခန်းပြပြီး Florida ကိုပြန်ရောက်တော့ OB/GYN ဆေးခန်းကို အသစ်ပြန်ရှာရပြန်ပါတယ်။ ကိုယ့် Insurance ရဲ့ in-network ဖြစ်တဲ့ ဆေးခန်းတွေကို ရှာရတာဖြစ်ပြီး Insurance type ပေါ်မူတည်ပြီး လုပ်ထုံးလုပ်နည်းလေးတွေကလည်း ကွာပါတယ်။ တချို့ Insurance တွေဆိုရင် Primary Care ကနေ referral ပေးမှ Specialist ဖြစ်တဲ့ OB/GYN ဆီသွားပြလို့ရပေမယ့်၊ ကိုယ့်ရဲ့ company ကပေးတဲ့ insurance ကတော့ referral မလိုတဲ့ plan ဖြစ်တဲ့အတွက် OB/GYN ရှိတဲ့ ဆေးခန်းကိုတိုက်ရိုက်ဆက်သွယ်လို့ရပါတယ်။

ဒါပေမယ့် အဲ့ဒီမှာပဲ ပြဿနာစပါတော့တယ်။ ဆေးခန်းတစ်ခုပြီးတစ်ခု ဆက်သွယ်ပေမယ့်—
• တချို့ဆေးခန်းတွေက OG ပဲကိုင်ပြီး GYN မကိုင်ဘူး
• တချို့က GYN ပဲကိုင်ပြီး OG မကိုင်ဘူး
• တချို့က Patient အသစ်လက်မခံတော့ဘူး
. တချို့က Patient လက်ခံတယ် မွေးမယ့်အချိန် ဆရာဝန်က fully book ဖြစ်နေတဲ့အတွက် လက်မခံဘူး

အဲ့လိုနဲ့ Florida ရောက်ပြီး ၁ ပတ်ကျော်၊ ၂ ပတ်နီးပါးအထိ ကိုယ်ဝန်ပြန်မအပ်ရသေးပါဘူး။

နောက်ဆုံးတော့ ဆေးခန်း ၃–၄ ခုလောက်က လက်ခံဖို့ပြောလာပါတယ်။ ဒါပေမယ့်လည်း medical history နဲ့ previous records တွေကို ကြည့်ပြီးမှ အတည်ပြုပေးမယ်ဆိုပြီး ပြောကြပါတယ်။ အဲ့ဒါနဲ့ ကိုယ်အကြိုက်ဆုံးနဲ့ အဆင်ပြေမယ်ထင်တဲ့ ဆေးခန်းကိုရွေးပြီး Maryland က ဆေးခန်းကို ဆက်သွယ်ကာ Florida က ဆေးခန်းဆီကို fax/email နဲ့ medical records နဲ့ test results တွေ ပို့ပေးဖို့ စီစဉ်ရပါတယ်။ ပြီးတော့ clinic ရဲ့ coordinator ပြန်ဆက်သွယ်လာတာကို ထပ်စောင့်ရပြန်ပါတယ်။

၂–၃ ရက်လောက်အကြာမှာတော့ ကိုယ်ဝန်က low-risk pregnancy ဖြစ်တဲ့အတွက် လက်ခံလိုက်ပြီဆိုပြီး ဖုန်းဆက်လာပါတယ်။ Appointment ကို February 6 ရက်နေ့အတွက် ပြန်ချိန်းပေးခဲ့ပြီး အဲ့တော့မှပဲ နှစ်ယောက်သား စိတ်အေးရပါတော့တယ်။ အဲ့ဒီအချိန်မှာတော့ ကိုယ်ဝန်က first trimester ပြီးခါနီး ပြီး 11/12 weeks ရှိနေပါပြီ.

February 6 ရက်နေ့ ဆေးခန်းသွားပြတဲ့အခါမှာတော့ အရင်ဆုံး weight ချိန်ပြီး Abdominal ultrasound ထပ်ရိုက်ပါတယ်။ Ultrasound ကနေ ကလေးအနေအထားကိုကြည့်ပြီး နှလုံးခုန်သံကို ထပ်နားထောင်ခွင့်ရပါတယ်။ ပြီးတော့ မွေးလမ်းကြောင်းပိုးရှိမရှိ စစ်ဖို့ ဆီး sample လည်း ပေးခဲ့ရပါတယ်။

ဒါတွေပြီးမှ ဆရာဝန်နဲ့ တွေ့ခွင့်ရပါတယ်။ ဆရာဝန်နဲ့စတွေ့တဲ့အချိန်မှာ ပထမဆုံး request လုပ်ခဲ့တာကတော့ “ကလေး gender ကို မသိချင်သေးဘူး၊ week 20 မှာ gender reveal လုပ်မှာမို့ အဲ့အချိန်မှပဲ gender အကြောင်းပြောကြရအောင်” ဆိုပြီး ကြိုပြောထားလိုက်တာပါ။ ဆရာဝန်ကလည်း နားလည်ပေးပြီး He/She ဆိုတဲ့ pronoun တွေမသုံးပဲ “baby” ဆိုတဲ့အသုံးအနှုန်းနဲ့ပဲ ပြောပေးပါတယ်။

ပြီးတော့ Maryland မှာ စစ်ထားတဲ့ chromosome test results တွေကို ပြန်ရှင်းပြပြီး ကိုယ့်ရဲ့ uterus အခြေအနေကိုပါ အသေးစိတ်ပြောပြပါတယ်။ ကိုယ်က Bicornuate uterus ဖြစ်နေပြီး ကလေးက ဘယ်ဘက်အခြမ်းမှာရှိနေကြောင်းကို သေချာရှင်းပြပေးပါတယ်။

စားချင်တာတွေ အကုန်နီးပါးစားလို့ရပေမယ့် mercury ပါဝင်မှုမြင့်တဲ့ ငါးတွေကိုတော့ ရှောင်သင့်ကြောင်း၊ ဘယ်ငါးတွေမှာ mercury များကြောင်း၊ စားမယ်ဆိုရင် ဘယ်လောက်ပမာဏနဲ့ ဘယ်လိုစားသင့်ကြောင်းကို hospital ကထုတ်ထားတဲ့ flash card လေးနဲ့ပါ ရှင်းပြပေးပါတယ်။

နောက်ပြီး—
• တစ်နေ့ မိနစ် ၃၀ လောက် exercise လုပ်နိုင်ရင်လုပ်ဖို့
• လမ်းလျှောက်ပေးဖို့
• ရေကို အနည်းဆုံး ၂ liters သောက်ဖို့
• Coffee, alcohol, smoking တွေကို ရှောင်ဖို့

စတဲ့အချက်တွေကိုလည်း သတိပေးပါတယ်။

Coffee အရမ်းကြိုက်တဲ့ ကိုယ့်အတွက်တော့ ဝမ်းနည်းစရာလေးပေမယ့် ဒီမှာ decaf coffee တွေရှိတဲ့အတွက် coffee ကို လုံးဝဖြတ်စရာမလိုကြောင်း၊ တစ်နေ့ caffeine 200mg အတွင်းဆို safe ဖြစ်ကြောင်းကို ဆရာဝန်က နှစ်သိမ့်ပေးပါသေးတယ်။

US မှာ မြန်မာ ပြည်နဲ့မတူတာ တစ်ခုက အကုန်လုံးက နှုတ်ချိုကြပါတယ် Honey/ Sweety နဲ့ဆိုတော့ သူတိူ့နဲ့စကားပြောရတာ ကျန်တာတော့မသိပေမဲ့ စိတ်ချမ်းသာဖို့တော့အရမ်းကောင်းပါတယ် 😂

[မြန်မာပြည်မှာတုန်းက အိမ်ကအဖေနဲ့အမေ့ကို -SSC နဲ့ အာရှတော်ဝင် မှာ ဆေးခန်းလိုက်ပြပေးတုန်းကဆိုရင် ဆရာဝန်တွေလဲကြောက်ရတယ် ပြီးတော့ သူတိူ့နောက်က သူတွေကိုလဲ ကြောက်ရတယ် တစ်ခုခုမေးချင်ရင် အခြေအနေ အရင်ကြည့်ပြီးမှမေးရတယ်
ဒါကလဲ ကိုယ်ရဲ့ Experiences တွေထဲက တစ်ခုပေါ့နော် တစ်ယောက်နဲ့တစ်ယောက်တူချင်မှလဲ တူပါမယ်]

နောက်ဆုံးမှာတော့ next appointment ကို တန်းချိန်းပေးပြီး Maternal serum AFP test သွေးစစ်ဖို့ လွှတ်လိုက်ပါတယ်။ Result တွေကိုတော့ patient portal ကနေ ကြည့်ရပြီး နောက်တစ်လအတွက် appointment ကို ထပ်ချိန်းပေးလိုက်ပါတယ်။

Disclaimer:
The information above is based solely on personal pregnancy care experiences in the states of Maryland and Florida, as well as insurance coverage. Procedures, policies, and experiences may vary slightly depending on different states, cities, hospitals, and insurance providers.

02/07/2026

အမေရိကားတွင် ကိုယ်ဝန်အပ်ခြင်းအတွေ့အကြုံ -1

အမေရိကမှာ ကိုယ်ဝန်ရှိလာပြီဆိုရင် OB/GYN (Obstetrician-Gynecologist) ဆီမှာ ဗိုက်အပ်ရပါတယ်။ မြန်မာမှာဆိုရင် OG လို့ခေါ်ကြပေမယ့် အမည်သာ ကွာပြီး လုပ်ငန်းစဉ်တွေကတော့ တူတူပဲထင်တာပဲ မြန်မာမှာOG နဲ့မပြဖူးတော့သေချာမသိဘူး 😂
ကိုယ့်အတွက်တော့ ကိုယ်ဝန်အပ်မယ်ဆို ကိုယ်ဝန်ရှိတာစတင်သိတဲ့အချိန်ကစပြီး ပြောရမယ်ဆိုရင် —

Period မှန်နေသူတစ်ယောက်အနေနဲ့ November မှာ တစ်ပတ်လောက်နောက်ကျသွားတယ်။ အဲဒီအချိန်ထိစိတ်မပူသေးပဲ အမေ့ကိုတောင် ပြောပြနေခဲ့တယ်။ ဒါပေမယ့် ၂ ပတ်လောက်နောက်ကျလာတဲ့အခါ စိတ်ပူလာပြီး Pregnancy test လုပ်ကြည့်တော့ ၂ ကြောင်းပေါ်လာတယ်။ မယုံသေးလို့ ထပ်စစ်ကြည့်တော့လည်း အတူတူပဲ ဖြစ်နေတာနဲ့ နှစ်ယောက်သားတစ်ယောက်မျက်နှာတစ်ယောက်ကြည့်ပြီး ဘာမှမပြောခဲ့ကြသလို့

သူလဲ ရုပ်ရှင်ထဲကလို ငါ့အဖေဖြစ်ပြီကွလို့ ထမခုန်ခဲ့ဘူး 😂
သူလုပ်ပေးတာဆိုလို့ ဖတ်ထားပြီး နံဖူးလေးနမ်းတာလောက်ပဲလုပ်ခဲ့တယ် 🤍

[ကိုယ်ဝန်ယူမယ်လို့ နှစ်ယောက်သားစဆုံးဖြတ်ကထဲက နှစ်ယောက်သား OB/GYN နဲ့ တစ်ခေါက်သွားတိုင်ပင်ဆွေးနွေးသေးတယ် ဆရာဝန်
ကတော့ သားအိမ်အားကောင်းဖို့ Prenatal ကိုအခုထဲကကြိုသောက်ဖို့ နဲ့ Alcohol, B**r, Smoking and coffee ရှောင်ဖို့ပဲ ပြောပြခဲ့တယ်]

အဲဒါနဲ့ သေချာအောင် Primary Care (General Practitioner - GP) ဆရာဝန်ဆီ appointment ယူပြီး သွားစစ်တော့ ဆရာဝန်က ကိုယ်ဝန်ရှိနေပြီလို့ confirmed ပေးတယ်။ အဲ့ဒီအချိန်မှာ Gestational 7–8 weeks pregnant ဖြစ်နေပြီလို့ ပြောပြီး OB/GYN ဆီကို referral letter ပေးပြီး appointment ယူဖို့ ပြောပါတယ်။

အဲ့ဒီအချိန်က December အစပိုင်းဖြစ်နေပြီး December မှာ ပိတ်ရက်တွေများတဲ့အတွက် Appointment ရဖို့ ခက်ခဲခဲ့ပါတယ်
နောက်ဆုံးတော့ January 6 ရက်နေ့မှာပဲ appointment ရခဲ့တယ်။

Maryland ကနေ Florida ကို middle of Dec မှာပြောင်းရတော့မယ့် သိတဲ့အတိုင်းပဲ နှစ်ကုန်ပိတ်ရက်တွေနဲ့ဆိုတော့ ဆရာဝန်တွေအကုန် ခွင့်တွေယူထားကြတော့ Appointment ရဖို့လဲ ခက်တော့ ပေးတဲ့ ရက်ပဲယူပြီး ပြန်ခဲ့ရတယ်

ပြန်ရောက်တော့ သူနဲ့တိုင်ပင်ပြီး နေခဲ့ပြီးဆေးခန်းပြပြီးမှလိုက်လာမလား ဒါမှမဟုတ် ဟိုရောက်ပြီးမှ လေယာဉ်နဲ့ပြန်လာမလား တိုင်ပင်တော့ သူကလဲ ထားခဲ့ရမှာ စိတ်မချတာနဲ့ Appointment date ရောက်မှ ပြန်လာပြီး ပြလိုက်ဆိုပြီး ဆုံးဖြတ်ခဲ့ကြတယ်

Appointment ရက်ရောက်တဲ့နေ့မှာ ဆေးခန်းကို သွားရောက်ပြီး weight ချိန်၊ သွေးစစ်စတာတွေကို စတင်လုပ်ပါတယ်။
Tuberculosis (TB), Hepatitis B, Hepatitis C and Syphilis စတာတွေစစ်ဖို့ သွေးထုတ်ပြီးမှဆရာဝန်နဲ့ တွေ့ရပါတယ်။

ဆရာဝန်နဲ့တွေ့တဲ့အခါ ဆေးရုံအဝတ်အစားလဲဝတ်ခိုင်းပြီး Transvaginal ultrasound နဲ့ စစ်ဆေးပါတယ်။ အဲ့ဒီမှာ ကလေးက twin မဟုတ်ပဲ single baby ဖြစ်ကြောင်း၊ 8 weeks ရှိနေပြီဖြစ်ကြောင်း သိရပြီး ကလေးရဲ့ နှလုံးခုန်သံကိုပါ နားထောင်ရပါတယ်။

နောက်ပြီး ဘယ်အပတ်မှာ ဘာစစ်ရမယ်ဆိုတာ၊ ဆောင်ရန်ရှောင်ရန်တွေကို အသေးစိတ်ရှင်းပြပါတယ်။ အရေးကြီးဆုံးဖြစ်တဲ့ chromosome test ကို recommend လုပ်ပြီး Down syndrome ရှိမရှိ စစ်ဖို့ ပြောပါတယ်။ Gender ကိုပါ တစ်ခါတည်း စစ်ဖို့ recommend လုပ်ပါတယ်။

Insurance က cover ဖြစ်နေတဲ့အတွက် ဆရာဝန်အကြံပေးထားတဲ့ စမ်းသပ်ချက်တွေကို အကုန်လုပ်ခဲ့ပါတယ်။ Down syndrome test result က တစ်ပတ်အတွင်းထွက်ပြီး Gender result က ၂ ပတ်လောက်ကြာပြီးမှ hospital app (patient portal) မှာ ပို့ပေးပါတယ်။

[Chromosome result ရဲ့အဖြေကိုသိချင်ပေမဲ့ Gender result ကို မသိချင်သေးလို့ ကိုယ်တိုင်မကြည့်ဘဲ သူငယ်ချင်းကို ဝင်ကြည့်ခိုင်းလိုက်ပါတယ် Gender Reveal ပွဲကိုလည်း သူပဲ စီစဉ်ပေးခဲ့ပါတယ်။]

ဆေးခန်းပြပြီးနောက် ဆေးထပ်စစ်ရန်အတွက် သွေးကို ထပ်မံယူခဲ့ပါတယ်။ အဲဒီနောက် နောက်တစ်လအတွက် appointment ကိုလည်း လိုလိုမယ်မယ်ဆိုပြီး ဆရာဝန်က ထပ်မံချိန်းပေးခဲ့ပါတယ်။

ဒါပေမယ့် Florida ကို ပြောင်းရွှေ့ရမှာဖြစ်တဲ့အတွက်၊ ကိုယ့်ရဲ့ ဆေးရလဒ်တွေကို combine ထားပေးဖို့နဲ့ ဟိုဘက်ပြည်နယ်မှာ ဆေးခန်းအသစ်ရတဲ့အခါ email သို့မဟုတ် fax နဲ့ ပို့ပေးနိုင်ဖို့ ဆေးခန်းဘက်ကို ကြိုတင်တောင်းဆိုခဲ့ပါတယ်။

ပိုပြီးသေချာချင်တဲ့အတွက် ဆေးမှတ်တမ်းစာရွက်တွေကိုလဲ copy ယူထားခဲ့ပါတယ်။

Disclaimer:
The information above is based solely on personal pregnancy care experiences in the states of Maryland and Florida, as well as insurance coverage. Procedures, policies, and experiences may vary slightly depending on different states, cities, hospitals, and insurance providers.

Bao Bao Xiao

08/08/2026

02/08/2026

14/07/2026

11/07/2026

09/07/2026

05/07/2026

02/07/2026

02/07/2026

Address

Telephone

Website

Alerts

Shortcuts

Share

Listing takedown request