16/07/2025
"ANG WILD PALA NG PAMANGKIN NG MISIS KO — DINALA KO SA ANTIPOLO." - Elmer (Katipunan)
Maki Rena,
Gusto ko lang sanang ibahagi sa inyo ang naging karanasan ko tungkol sa balik-bayan na pamangkin ng misis ko, si LEAH. nagbabakasyon noon si LEAH dito sa pinas para asikasuhin ‘yung negosyo ng nanay niya, na pinsan ng misis ko.
Habang nag-aasikaso sa kanilang negosyo eh pinakiusapan ako ng misis ko na samahan at ipag-drive ko muna si LEAH dahil busy din si misis sa trabaho. Ako naman eh, freelancer na driver kaya medyo maluwag ang schedule ko depende sa tanggap na biyahe. At dahil hindi pa rin masyado marunong mag-drive si LEAH kaya ako muna ang pansamantalang kinuhang driver at instructor niya para maturuan kung paano mag-drive dito sa pinas lalo na dito sa maynila.
25 lang si LEAH, at ako naman 49. Mareng Maki, sa araw-araw na pagsama ko kay LEAH ay hindi ko maiwasang mabighani sa taglay niyang ganda. Ang hilig pa man din magsuot ng seksing damit. Kaya hindi ko maiwasang tumingin sa kanya at matik ‘yon… walang mintis.. palagi akong nabubuhayan.
Noong nakaraan, nagyaya si LEAH na dalhin ko siya sa lugar na hindi pa niya napupuntahan na malapit lang sa metro manila… gusto niya raw muna huminga kaya naman dinala ko siya sa antipolo kung saan una kong dinala ang misis ko noong mag-bf at gf pa lang kami.. kaya lang, medyo maulan noon at masama ang panahon. Inabutan kami ng malakas na buhos ng ulan doon… kaya, na-stranded kami ng ilang oras sa taas ng antipolo. Wala na kong nagawa Mareng Maki… hindi ko na napigilan. Medyo wild pala ang pamangkin ng aking asawa. Kasabay ng malakas ng buhos ng ulan… Nagpadala kami pareho ni LEAH sa bayo ng aming nararamdaman.
Wala raw pinagsisisihan si LEAH sa nangyari sa aming dalawa. Kaya hanggang ngayon ay tuloy-tuloy pa rin kami sa aming ginagawa. Gusto raw ni LEAH ang mga tipo ko, ‘yung mas may edad sa kanya. Mare, gusto ko nang ihinto dahil baka mahuli kami ng asawa ko. Pero, aaminin kong nabubuhayan ako at pakiramdam ko ay bumabalik ako sa pagkabata kapag kasama ko si LEAH.
Ayun lamang po at maraming salamat. Please, itago niyo na lang po ako sa pangalang ELMER.
ELMER ng Katipunan
MAKI-alam sa kwento ni Elmer kasama si Maki Rena ngayong alas-otso ng umaga sa 91.5 Win Radio Manila.
