Upul Pathirana Fans Page

01/31/2026

🌿🌿 බීජයක් සිටුවා අස්වැන්න නෙළන්නට කොපමණ කල් ගතවේද?

🫑🫑අපේ ගෙවත්තේ බීජයක් පැළ කරන අපි හැමෝටම තියෙන ලොකුම බලාපොරොත්තුව තමයි, "මේකෙන් කවදාද අස්වැන්නක් ලැබෙන්නේ?" කියන එක. කාබනික ගෙවතු වගාවේදී රසායනික පොහොර භාවිත නොකරන නිසා වගාවට නිසි කාලය ලබා දීම සහ ඉවසීම ඉතා වැදගත්.

⭐බීජ පසට දැමූ දින සිට අස්වැන්න නෙළීමට ගතවන දළ කාලසීමාවන් අනුව අපට එළවළු ප්‍රධාන කාණ්ඩ කිහිපයකට බෙදා වගා සැලසුම් සකස් කරගන්න පුළුවන්.

📌ඉතා ඉක්මන් අස්වැන්න (දින 21 - 30 අතර) - පලා වර්ග 🌿

🔰ඔබ වගාවට අලුත් කෙනෙක් නම් හෝ ඉක්මනින් ප්‍රතිඵල බලාපොරොත්තු වෙනවා නම් පලා වර්ග වලින් පටන් ගන්න.

🔸කංකුන් බීජ හෝ දඬු සිටුවා දින 25-30 කින් පලමු අස්වැන්න ගත හැක.
🔸තම්පලා දින 21-25 ක් වැනි ඉතා කෙටි කාලයකින් වගාව සරුවට වැඩේ.
🔸නිවිති බීජ දමා දින 30-45 අතර කොළ නෙළා ගත හැක. (වැල් නිවිති සඳහා මීට වඩා කල් ගතවේ).
🔸මොනරකුඩුම්බිය / සාරන ඉතා ඉක්මනින් වැඩෙන ඔසු ගුණැති පලා වර්ගයි.

✨පලා වර්ග සඳහා නයිට්‍රජන් බහුල පොහොර (ගොම පොහොර හෝ කොම්පෝස්ට්) නිතර යෙදීමෙන් අස්වැන්න ඉක්මන් කරගත හැක.

📌කෙටි කාලීන බෝග (දින 45 - 60 අතර) 🥕🥒

🔸මාස 1 ½ හෝ 2ක් ඇතුළත ඔබේ පිාගානට එකතු කරගත හැකි එළවළු වර්ගයි මේ.

🔸රාබු ගෙවතු වගාවේ වේගවත්ම බෝගයයි. බීජ දමා දින 45-50 කින් අල ගලවා ගත හැක.
🔸පඳුරු බෝංචි දින 45-50 දී කරල් හටගැනීම ආරම්භ කරයි. (වැල් බෝංචි සඳහා තව දින 10-15ක් අමතරව ගත විය හැක).
🔸 බණ්ඩක්කා දින 45-50 පමණ වන විට මල් පිපී කරල් හටගනී. දිනපතා හෝ දින දෙකකට වරක් අස්වැන්න නෙළා ගත යුතුය.
🔸කැකිරි / පිපිඤ්ඤා වැල වැඩී දින 50-60 අතර කාලයේදී ගෙඩි නෙළා ගත හැක.

📌මධ්‍ය කාලීන බෝග (දින 75 - 90+ අතර) 🍅🌶️

🎯මේවාට තරමක් වැඩි සැලකිල්ලක් සහ ඉවසීමක් අවශ්‍යයි. බොහෝ විට තවාන් දමා පැළ කර සිටුවීම වඩාත් සාර්ථකයි.

🔸 තක්කාලි බීජ දමා මාස 2 ½ - 3 කදී පලමු අස්වැන්න ලැබේ.
🔸මිරිස් / මාළු මිරිස් බීජ සිටුවා දින 75-90 කට පසු කරල් නෙළා ගත හැක. නිසි නඩත්තුව ඇත්නම් මාස ගණනාවක් පලදාව ලබා දෙයි.
🔸වම්බටු දින 80-90 කින් අස්වැන්න නෙළීම ඇරඹිය හැක.
🔸කරවිල / පතෝල / වැටකොළු මෙම වැල් වර්ග බීජ දමා දින 70-80 අතර කාලයේදී අස්වැන්න ලබා දීම ආරම්භ කරයි.

📌 දිගු කාලීන බෝග (මාස 4 - 6 හෝ ඊට වැඩි) 🎃

🎯ඉඩකඩ ඇති ගෙවත්තකට මේවා ඉතා සුදුසුයි.

🔸 වට්ටක්කා අස්වැන්න නෙළීමට මාස 3 ½ සිට 4 ½ දක්වා කාලයක් ගතවේ.
🔸 මඤ්ඤොක්කා / බතල අල වර්ග හොඳින් මේරීමට මාස 5-6ක් වත් අවශ්‍ය වේ.
🔸 ඉඟුරු / කහ මේවා සිටුවා මාස 8-9 කට පසුව (කොළ මැලී ගිය පසු) අස්වැන්න නෙළා ගත යුතුය.

💡 සාර්ථක ගෙවතු හිමියෙක් වීමට කුඩා උපදෙස්

🥬 පලා සහ බෝංචි හැර අනෙක් බොහෝ එළවළු සඳහා දිනකට පැය 4-6 ක තද හිරු එළිය අවශ්‍ය බව මතක තබා ගන්න.
🥬 කාබනික වගාවේ රහස ඇත්තේ පසෙහිය. කොම්පෝස්ට්, වියළි ගොම සහ කොහු බත් මිශ්‍ර කර කාබනික පොහොර යොදා පස සකසා ගන්න.
🥬 බීජ පැළ වන අවධියේදී පස තෙතමනයෙන් තබා ගැනීම අනිවාර්ය වේ.

▪️සැකසුම හැඩකාර ගෙවත්ත වෙනුවෙන් ඇඩ්මින් ප්‍රියන්තිකා දිල්රුක්ෂි.

01/24/2026

වසර තුනක වම්බටු මිලෙහි සාමාන්‍ය අගය
🍆 දඹුල්ලේ වම්බටු මිල: වසර 3ක මිල විචලනය පිළිබඳ විශ්ලේෂණය (2023-2025)
දඹුල්ල ආර්ථික මධ්‍යස්ථානයේ පසුගිය වසර තුනක දත්ත දෙස බැලීමේදී, වම්බටු මිල කාලයත් සමඟ විශාල ලෙස උච්චාවචනය වන ආකාරය දැකගත හැකිය. ගොවීන්ට මෙන්ම පාරිභෝගිකයන්ට ද මෙය ඉතා වැදගත් මගපෙන්වීමක් වනු ඇත.
📊 මිල රටාවේ ප්‍රධාන නිරීක්ෂණ:
• අඩුම මිල වාර්තා වන කාලය (පෙබරවාරි - මාර්තු): මහ කන්නයේ අස්වනු වෙළඳපොළට බහුලව ලැබෙන මෙම කාලසීමාවේදී වම්බටු කිලෝවක මිල රු. 100 - 180 වැනි අවම අගයකට පත්වේ. පාරිභෝගිකයන්ට මෙය ඉතා වාසිදායක කාලයකි.
• උපරිම මිල වාර්තා වන කාලය (අප්‍රේල්): සිංහල හා දෙමළ අලුත් අවුරුදු සමයේ පවතින දැඩි ඉල්ලුම නිසා අප්‍රේල් මාසයේදී කිලෝවක මිල රු. 650 දක්වා ඉහළ යන ආකාරය දැකගත හැකිය. මෙය වසරේ වාර්තා වන ඉහළම මිල මට්ටමයි.
• වසර අවසානයේ මිල ඉහළ යාම (නොවැම්බර් - දෙසැම්බර්): අධික වර්ෂාව නිසා සැපයුම සීමා වීම සහ උත්සව සමයේ ඉල්ලුම ඉහළ යාම හේතුවෙන් නොවැම්බර් සහ දෙසැම්බර් මාසවලදී මිල රු. 500 සීමාව ඉක්මවා යයි.

💡 ගොවීන් සඳහා උපදෙස්:
ඔබ වගා සැලසුම් සකස් කිරීමේදී, අප්‍රේල් මාසයේ මුල හෝ නොවැම්බර්/දෙසැම්බර් කාලසීමාවන් තුළ අස්වනු නෙළීමට හැකි වන සේ වගාව ආරම්භ කරන්නේ නම්, වසරේ උපරිම ලාභයක් ලබා ගැනීමට වැඩි ඉඩකඩක් පවතී. මාර්තු මාසයේදී අස්වනු වෙළඳපොළට එවීමෙන් ලාභය අවම විය හැක.
Copied Asanka anurudda

#කෘෂිකර්මය #ගොවිතැන #දේශීයගොවිතැන #ගොවිපොළ

01/11/2026

07/27/2023

Nelligala

06/24/2023

රටක් ආදරය කල අපි පැහැසරා Super Line ,,,

Follow Our page and groups
https://www.facebook.com/groups/560161894438631/?ref=share_group_link

https://www.facebook.com/pahesarasuperline?mibextid=LQQJ4d

Tp: 071 800 61 61( Mobile & WhatsApp)

02/28/2023

හිතුවොත් බැරි නෑ 😆

06/29/2022

ලොව විශාලතම බැටරිය. 😯❤️

ඇමෙරිකාවේ Missouri ප්‍රාන්තයේ පිහිටා ඇති Taum Sauk Hydroelectric Power Station ජල විදුලි බලාගාරය ඉතාමත් අපූරු එකක්. මෙම බලාගාරයෙන් නිපදවන විදුලි බල ප්‍රමාණයට වඩා වැඩි විදුලි බල ප්‍රමාණයක් උපයෝගී කරගෙන නැවත මෙම ජලාශයටම එම ජලය පුරනවා. මේක බැලූ බැල්මටම පෙන්නේ මෝඩ විකාර කතාවක් වගේ.

මෙම බලාගාරයට ජලය සපයන ජලාශය ස්වභාවික එකක් නොවේ. මෙය කන්දක් උඩ කොන්ක්‍රීට් වලින් කෘතිමව නිපදවපු ටැංකියක් කිව්වොත් වඩා නිවැරිදියි. මෙයට ජලය සපයන එකම ස්වභාවික ජල මාර්ගයක්වත් පිහිටා නැහැ.

බලාගාර වල නිපදවන විදුලිය ගබඩා කර තබා ගන්න බැහැ. සිදුවන්නේ ඉල්ලුමට අවශ්‍ය ප්‍රමාණයට සරිලන ලෙස නිපදවා පද්ධතියට එක් කිරීමයි. නමුත් ඉල්ලුමට සරිලන ලෙස නොකඩවා විදුලිය සැපයීමට නම් සෑම විටම සැපයුම වැඩි කර යුතුයි.

Peak time යනු අධික විදුලිය පරිභෝජනයක් ඇති වේලාවයි. මේ වේලාවට තාප බලාගාර ක්‍රියාත්මක කර විදුලිය නිපදවිය යුතුයි. මෙය ලාභ දායක නැහැ. Off Peak time යනු එතරම් විදුලිය පරිභෝජනය නොකරන වේලාවක්. මේ වේලාවට අක්‍රිය කල නොහැකි සුර්ය, සුළං, ජල වැනි බලාගාර විදුලිය බොහොමයක් අපතේ යනවා ඒවා ගබඩා කර ගත නොහැකි නිසා.

Peak time එකේදී ඉහත බලාගාරයේ ජලය භාවිතා කර ඊට පහලින් ඇති බලාගාරයේ ජල විදුලි ටර්බයින කරකවා විදුලිය නිපදවා පද්ධතියට එක් කරනවා. ඉවත් වන ජලය බලාගාරය ආසන්නයේ ටැංකියකට එකතු වෙනවා. මේ නිසා තාප බලාගාර භාවිතය අවම වෙනවා. Off Peak time එකේදී පද්ධතියෙන් අපතේ යන විදුලිය උපයෝගී කරගෙන මෝටර් ආධාරයෙන් පහල ටැංකියේ ඇති ජලය නැවත ඉහල ටැංකියට පුරවනවා.

මේ නිසා සැබවින්ම සිදුවන්නේ අපතේ යන විදුලිය භාවිතා කර මෙම විශාල ජල ටැංකිය පුරවා නැවත ඉල්ලුම වැඩි විට එම ජලයෙන්ම නැවත විදුලිය නිපදවීමයි. මේ නිසා තාප බලාගාර වලින් විදුලිය නිපදවන අධික වියදම ඉතිරි වෙනවා. එම නිසා මෙම බලාගාරයේ නිපදවන විදුලිය සැබෑ ජල විදුලි බලාගාරයකටත් වඩා වටිනවා.

ඇත්තටම බැලුවම මේ විශාල ජල ටැංකිය අපතේ යන විදුලිය ගබඩා කර තබා ගෙන අවශ්‍ය වේලාවට මුදා හරින යෝධ බැටරියක්!!

( සටහන - 2013 වසරේදී සිංහල පීඩියා පිටුවෙහි පලකරන ලද සටහනකි. මෙහි සම්පූර්ණ අයිතිය එම මුල් හිමිකරු සතුය.)

05/17/2022

ලෝකයේ කොහේවත් Petroleum කර්මාන්තය පාඩු නැත. නමුත් ලංකාවේ Petroleum පාඩුයි. ලංකාවේ Petroleum එකේ තියෙන ලොකුම ප්‍රශනය තමයි තිබුන හැම ආණ්ඩුවකින්ම තමන්ට ජන්දේ දිනන්න උදව් කරපු හෙන්චයියෝ මේකට පුරවනවා.

ලංකාවේ Petroleum එකේ සේවකයින්ට ගෙවන තරම් වැටුපක් ලංකාවේ වෙන කොහෙවත් ගෙවන්නේ නෑ. security firm එකක security කෙනෙකුට ගෙවන්නේ මාසෙටම රු.30,000/-ක් වගේ. නමුත් Petroleum එකේ 100,000.-කට වැඩි..

රජයේ කාර්යාලයක පියන් කෙනෙකුට ගෙවන්නේ 25000/-ක් විතර වැටුපක්.. නමුත් Petroleum එකේ පියන් කෙනෙකුට ගෙවනවා 120000/-ක් විතර වැටුපක්..

අවශ්‍ය සේවක පිරිස වගේ දහගුණයක් විතර ජන්දෙට පෝස්ටර් ගහපු උන්ගෙන් අතුල පිරිලා.

ඊලග එක තමයි "සුද්ද Petroleum බෙදන්න හදපු system " එක වෙනස් කරලා බව්සර් වලින් තෙල් බෙදන එක. සුද්දා හැදුවේ පිරිපහදුවේ ඉදලා ගාල්ලට කෝච්චියේ යන තෙල් එතන ඉදලා බව්සරෙන් බෙදන්න. නුවරට, අනුරාධපුරේට, තිරිකුනමලේට, යාපනේට කෝච්චියෙන් තෙල් යවලා එතන ඉදල තමයි බව්සර් වලින් බෙදුවේ.

රේල් පාරේ යනවා වගේ 10 ගුණයක වියදමක් යනවා බව්සර් වලින් තෙල් බෙදද්දී.. හැබැයි ලංකාවේ තෙල් බෙදන්නේ එහෙමයි.. මොකද ජන්ද කලේ උදව් කරපු ය අහන්නේ අපිට "Petroleum එකට බව්සරයක් දාගන්න පුලුවන්ද කියලනේ.." ඉතින් ඌ බව්සරේ දානවා.. රටේම උන් පව් ගෙවනවා..

දේශපාලනේ ගැහිල්ල ගැන කතා කරලම වැඩක් නෑ..

මේකට කෙලවිලා තියෙන්නේ දැන් ඉන්න දේශපාලුවෝ ටික නිසා විතරක් කියල හිතනවානම් හෙනම ගොන් කමක්.. Petroleum එකට කෙළවෙන්න පටන් ගත්තේ අනුරුද්ද රත්වත්තේ හිටපු කලේ ඉදලා.. මොකද ඒ කලේ තමයි වැඩිම අම්බරුවෝ ගොඩක් ඕකට දැම්මේ. එදා ඉදල හැම එකාම ඕක පිරෙව්වා..

දේශපලුවෝයි, උන්ගෙන් පත්වීම් ගත්තු ගෙවල් වලට වෙලා පඩි ගන්න හාල්පරුවෝයි, උන්ගේ පස්සෙන් ගිහින් බව්සර් ගෙන තෙල් අදින අපතයෝයි ටික තමයි ලංකාවේ තෙල් මිලේ සාපෙට වග කියන්න ඕනි..

සාංගික දේවල් හොර කවම පව් කියනවනේ.. ඒ වගේ තමයි වැඩක් නොකර පඩි ගන්න උන්ටත්.. ඒ කියමන පොදුයි..

-Attitude Changer-